Stipend frå Norsk kulturminnefond i 2015

Styret i Norsk kulturminnefond lyser med dette ut to stipend i 2015.

• Norsk kulturminnefonds handverksstipend
• Norsk kulturminnefonds formidlingsstipend

Handverksstipend

Bakgrunnen for stipendet er å støtte ein ung og lovande handverkar som har valt eit utdanningsløp innan eit tradisjonelt handverksfag, og som har synt evne til målretta arbeid over tid.

Stipendet som er på kr 40.000,- vil bli tildelt ein ung, engasjert, lærevillig og fagleg solid handverkar som også er interessert i å læra bort.

Stipendet vart i 2014 tildelt Ove Grytbak, Røros

Formidlingsstipend

Formålet med stipendet er å bidra til å auka merksemda på kulturminnevern i Noreg.

Stipendet skal nyttast til reiser og foredragsverksemd for å formidla erfaringar frå innsats i praktisk kulturminnevern over mange år. Den som mottek stipendet må kunne begeistra ulike målgrupper og syne korleis det er mogleg å redda kulturarv, sjølv om mykje kan sjå håplaust ut.