Høgskolen i Harstad: Nytilsett professor

Masterprogrammet i økonomi og administrasjon ved Høgskolen i Harstad vert styrka med tilsetting av professor.

Terje Vassdal er tilsett i såkalt professor II stilling innan bedriftsøkonomi, tilknytta masterprogrammet i økonomi og administrasjon (siv.øk) ved Høgskolen i Harstad.

Tilsettinga er i 20% stilling og gjeld for perioden frå 1. januar 2014 til 30. juni 2016, med moglegheit for forlenging.

I stillinga skal professor Vassdal dekkje emnet Analyse av produktivitet og effektivitet, i tillegg til å ivareta rettleiing av masteroppgåver. 

Vassdal er til dagleg tilsett som professor i bedriftsøkonomi ved Handelshøgskolen, Universitetet i Tromsø. Han har òg frå tid til anna hatt diverse evalueringsoppdrag for NORAD i ulike mottakarland av norsk bistand – mellom anna Sri Lanka, India, Mosambik, Gambia, Angola og Nicaragua. 

Som forskar har professor Vassdal leia mange prosjekt - spesielt knytta til økonomiske analyser av fiskebåtar og foredlingsindustrien, ringvirkingsanalyser og ulike marknadsformer. Han har også gjennomført fleire produktivitetsanalyser av verksemder og einskilde bransjar.