Skip to main content

Dán jagáš maŋimuš čájáhus Sámi Dáiddaguovddážis rahppo bearjadaga 15.11.2019

Pressemelding   •   nov 06, 2019 16:28 CET

Govva "Your body is a mine", 2019, filmmas vižžojuvvon. Govven: New Mineral Collective.

Dán jagáš maŋimuš čájáhus Sámi Dáiddaguovddážis lea ovttasbargu Romssa Dáiddasiiddain. Čájáhus “Erotics of Counter-Prospecting” man lea ráhkadan dáiddárduo New Mineral Collective,  rahppo bearjadaga skábmamánu 15. beaivvi diibmu 18.00. Čájáhusa sáhttá oaidnit gitta ođđajagimánu 5. beaivvi rádjai.


Dáiddárguovttos Tanya Busse ja Emilija Škarnulytė álggaheigga ovttasbarggu New Mineral Collective (NMC), dan áigge go soai studeriiga Dáiddaakademiijas Romssas. NMC, man soai čilgeba leat dego vuođđovuogádat sudno guorahallamis, das mo olmmoš láhtte eatnamiin ja makkár váikkuhusaid dat láhttemat dagahit. NMC ovddit buvttadeames guovdilaste eurohpá davimus guovllut, ja dál leat maiddái muhtin guovllut Davvi-Amerihkás ja Gaska-Nuorti guovlluin galleduvvon, guorahallama ja ođđa prošeaktabuvttadeami olis. Dáiddárnissonguovttos leaba prošeavtta dimešuvnna viiddideamin, sihke geográfalaččat ja maiddái politihkalaččat.

Čájáhus Erotics of Counter-Prospecting oahpista gehččiid dáiddabargguide dahkkojuvvon áigodagas 2013 rájes 2019 rádjai, filmmaid ja čuovgaboksagovvaid hámis, installašuvnnaid-, aviissaid- ja teakstahámis.

Čájáhus lea joatkka dán jagáš festiválačájáhusas mii čájehuvvui Tromssa Internášunála Filbmafestivála áigge, ja mii boahtá dál leahkit oaidninláhkái Kárášjogas. 

Kuráhtor: Leif Magne Tangen

Co-Kuráhtor: Vsevolod Kovalevskij

Dáiddárat leat rahpandoaluin
Čájáhusa rahpá SDGa direktevra Kristoffer Dolmen

Dáiddalaš ovdanbuktin: Sara Marielle Gaup Beaska
Guossoheapmi.

Čájáhusofelastin

Čájáhuáigodagas bovdet nuvttá sotneabeikaféái ja čájáhusofelastimiide dáid sotnabeivviid : skábmamánu 17. b., juovlamánu 1. b. ja ođđajagimánu 5. beaivvi.

Praktihakalš dieđut
Dáiddáriiguin sáhttá dahkat jearahallamiid duorastaga skábmamánu 14. beaivvi, gaskal diibmu 11.00 - 14.00 Sámi Dáiddaguovddážis.

Gulahallanolmmoš lea Kristoffer Dolmen, SDG direktevra. Tel.: 910 09 705. E-poasta: kristoffer@samidaiddaguovddas.no

Sámi Dáiddaguovddáža dieđut:

Vuođđudus Sámi Dáiddaguovddáš (SDG), ásahuvvui 1986s, ja lea njunoš riikkaidgaskasaš dálááigedáiddaguovddáš 

SDGa ulbmil lea doarjut sámi dáiddáriid ja gaskkustit dan alimus dási dálááiggedáidaga ja dáiddaduoji 

Čájáhuslanjain Kárášjogas čájehuvvojit čájáhusat main maiddái internášunála dálááiggedáidda lea oassin ja erenomážit čalmmustahttit govvadáiddáriid Sámis 

Kommentarer (0)

Legg til kommentar

Kommentar

Ved å sende inn kommentaren aksepterer du at dine personopplysninger behandles i samsvar med Mynewsdesks Personvernerklæring.