Pressemelding -
Aina Basso får Sokneprest Alfred Andersson-Ryssts pris for 2014
Juryen seier om følgande om boka:
"Fange 59. Taterpige er eit sterkt portrett av ei ung jente som får livet snudd på hovudet.
Vi treng skjønnlitterære forfattarar som både skriv godt og som med god litteratur kastar seg inn i debatten om menneskeverd også i dag, tre hundreår etter at taterjenta Maria i romanen hamna på tukthuset i Trondheim."
I juryen for fondet sit: Jan Kløvstad, Ottar Fyllingsnes og Durita Brattaberg. Prisen er på 10 000.
Alfred Andersson-Ryssts pris går annakvart år til ung, lovande nynorskforfattar, og annakvart år til personar eller prosjekt som aukar kultursamarbeid mellom Norge og Færøyane eller Norge og Island.
Prisen har blitt delt ut sidan 1959. Tidlegare vinnarar av prisen er m.a. Olav H. Hauge, Jon Fosse, Maria Parr, Brit Bildøen og Agnes Ravatn.
Prisen vert delt ut på årsmøtet i Litteraturselskapet Det Norske Samlaget 24.april.
Aina Basso (f. 1979) kjem frå Giske. Ho er utdanna historikar og bur i Oslo. Ho debuterte med ungdomsromanen Ingen må vite i 2008, og i 2012 var ungdomsromanen Inn i elden nominert til Brageprisen i åpen klasse, ungdomsbøker. I fjor var ho norsk kandidat til Nordisk Råds pris for beste barne- og ungdomsbok for Inn i elden.Om Fange 59.
Taterpige: Ei ung taterjente er på flukt gjennom Trondheims gater. Byens
vaktarar vil ha henne og folket hennar vekk frå byen. Maria kjem bort frå
følgjet sitt og hamnar på tukthuset. Her fortel ho historia om livet på
landevegane, med familien og folket hennar, og med guten ho blei forelska i.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
