Lansering av fotoboka "Folk i vest" av Odd E. Nerbø

Lanseringsarrangement på Norli Strandgaten i Bergen, 15.3. kl 20. Finn Tokvam intervjuar fotograf og forfattar Odd E. Nerbø.

Dei siste par åra har Odd E. Nerbø gått rundt i Bergen med kamera og notisblokk og snakka med folk han synest ser interessante ut. I Folk i vest. Alle har ei historie møter vi 150 av dei. Asa Shimada, som fortel om den første gongen ho fekk ein klem frå mor si. Anton Johannes, som saknar kona si Anne Ma og ønskjer seg ei venninne å gå tur med. Tvillingane Roy og Remy (22), som grudde seg til kvar dag på skulen. Marit, som søv ute heile året. Og mange fleire personlege, rørande og skilsetjande historier frå liva til menneska rundt oss i Noreg i dag.

Spalta Folk i vest i Bergens Tidende er svært populær. Bildene og fotografia viser at alle har ei historie. Eller som kulturredaktør i BT, Frode Bjerkestrand, seier det; -Alle fortener å bli sett, ein eller annan gong. Ingen skal gå usynleg gjennom livet.

Bla i starten av boka: https://issuu.com/detnorskesamlaget/docs/folk_i_vest

Odd E. Nerbø (f. 1955) har arbeidd som fotograf, bildesjef og bilderedigerar i Bergens Tidende sidan 1977. Han har alltid fotografert kvardagen på Vestlandet og folk som bur der.