Pressemelding -
Ny samleutgåve med dei populære Pode-bøkene
Jubilant Tor Arve Røssland er aktuell med Absolutt Pode, ei samleutgåve med dei 4 Pode-bøkene.
Tor Arve Røsslands Pode-bøker er moderne barnebokklassikarar som har blitt svært populære. No kjem dei i ei flott samleutgåve i høve Røsslands 20-årsjubileum som forfattar. Her er dei fire første Pode-bøkene samla: Pode, Pode mister fotfestet, Pode får snue og Anti-Pode. Bøkene handlar om 6 år gamle Pode som saman med venner og familie stadig havnar i elleville og absurde situasjonar.
Bøkene om Pode er underfundige og morosame og var med på å etablere Røssland som barnebokforfattar. Med sin særeigne og absurde stil, har Pode-bøkene gleda både vaksne og unge lesarar sidan dei første gong kom ut i 1999. Boka er illustrert av Øyvind Torseter.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
