Press release -
Cyfarwyddwr newydd i elusen Strôc yng Nghymru
Derbyniodd Carol Bott, siaradwraig Cymraeg rhugl, sy'n wreiddiol o Rydaman yn Sir Gaerfyrddin, rôl y Cyfarwyddwr ddechrau mis Rhagfyr. Mae ei rolau blaenorol yn cynnwys Cyfarwyddwr Bwrdd Cynghorau Iechyd Cymuned Cymru, NSPCC Cymru, Healthwatch a'r GIG yn Lloegr.
Mae Carol yn dod â chyfoeth o brofiad personol o strôc gyda hi. Cymerodd seibiant gyrfa o 2016-2018 i ofalu am berthnasau hŷn ar ôl iddynt gael strôc. Yn ei gyrfa academaidd, mae Carol hefyd wedi astudio'n helaeth effeithiau strôc ar gleifion a chymunedau lleol yng Nghymru.
Dywedodd Carol, "Mae'n fraint cymryd rôl Cyfarwyddwr y Gymdeithas Strôc yng Nghymru.
"Mae fy mhrofiad personol ac academaidd o strôc yn golygu fy mod yn angerddol am drawsnewid gwasanaethau ar gyfer goroeswyr strôc a'u teuluoedd yng Nghymru.
"Mae'n anrhydedd i gael y cyfle i weithio gyda chydweithwyr ledled Cymru sy'n cefnogi goroeswyr strôc a sicrhau'r adferiad a’r ansawdd bywyd gorau iddynt ar ôl strôc.
"Dywedodd Juliet Bouverie, Prif Weithredwr y Gymdeithas Strôc, "Mae Carol yn ymuno â ni ar adeg cyffrous i’r elusen. Yn ystod y misoedd nesaf, byddwn yn lansio ein gweledigaeth newydd ar gyfer yr elusen yng Nghymru a ledled y DU, a fydd yn sicrhau bod strôc yn flaenoriaeth i ddarparwyr gofal iechyd a bod pobl sydd yn dioddef strôc yn derbyn y cymorth a'r gefnogaeth sydd eu hangen arnynt i fyw eu bywydau."
Yn ei hamser hamdden, mae Carol yn unawdydd, yn mwynhau siarad yn gyhoeddus, teithio a gofalu am ei hwyrion.
Am ragor o wybodaeth am waith y Gymdeithas Strôc yng Nghymru, ewch i www.stroke.org.uk
Topics
Trawiad ar yr ymennydd yw strôc sydd yn digwydd pan fydd y cyflenwad gwaed i’r ymennydd yn cael ei atal, unai oherwydd clot neu waedu. Pob blwyddyn, bydd o gwmpas 7,400 o bobl yng Nghymru’n cael strôc ac mae’r Gymdeithas Strôc yn amcangyfrif bod bron i 66,000 o oroeswyr strôc yn byw yng Nghymru.
Elusen yw’r Gymdeithas Strôc. Credwn ym mywyd ar ôl strôc a gyda’n gilydd gallwn drechu strôc. Gweithiwn yn uniongyrchol gyda goroeswyr strôc a’u teuluoedd a gofalwyr, gyda gweithwyr gofal iechyd a chymdeithasol a gyda gwyddonwyr ac ymchwilwyr. Ymgyrchwn i wella gofal a chefnogaeth strôc a chefnogwn bobl i wella yn y ffordd orau posib. Mae’r Llinell Gymorth Strôc (0303 303 3100) yn darparu gwybodaeth a chefnogaeth ar strôc. Mae mwy o wybodaeth ar gael ar www.stroke.org.uk