Illustrasjon: Kim Hiorthøy.

Pressemelding -

Er vi forplikta til å ta vare på foreldra våre?

Goksøyr & Martens har gjort det til sitt varemerke å lage dokumentariske teaterframsyningar med nære og gjenkjennelege tema frå kvardagen. Denne gongen undesøker dei korleis smittevernet har utfordra forholdet til våre næraste, korleis fråværet av ritual påverkar oss og om vi er forplika til å ta vare på foreldra våre når dei blir gamle og treng hjelp.

GÅ (livet #5)
av Goksøyr/Martens
Urpremiere måndag 14. september kl. 17.00/17.15/17.30/17.45
Oppmøte ved billettluka på Det Norske Teatret

I framsyninga GÅ blir publikum leia med på ei vandring frå Det Norske Teatret til St. Hanshaugen. På teateret får dei kvar sine hovudtelefonar. GÅ (livet #5) er ein personleg tankestraum som går i dialog med byrommet og dei lydane og hendingane som oppstår der. Gjennom lydsporet i hovudtelefonane og ting som skjer på vegen blir pubblikum kjende med ei kvinne som er på veg til eit akuttmottak. Medan ho bevegar seg gjennom byen får vi vite kva ho tenkjer om mor si - og om kva som skjedde for ti dagar sidan.

Les meir: - Vi vil inn i kompleksiteten i eit omsorgsarbeid. Omsorg kan føre med seg ei kjensle av noko dobbelt, både ei rolle ein ønskjer å ha og ei rolle ein tidvis vil sleppe unna, seier Toril Goksøyr og Camilla Martens.

GÅ er femte og siste del av pentalogien LIVET – ei framsyningsrekke som skildrar overgangane i livet frå fødsel til død. 

Audiovandringa blir produsert i samarbeid med Ultimafestivalen.

Utøvande kunstnarar er fritekne frå avstandskravet på 1 meter når dei gjennomfører kulturaktivitetar i regi av ein profesjonell aktør, jf paragraf 13 i Forskrift om smitteverntiltak.

Emner

Kategorier


Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.

Kontakter

Relatert media

Last ned bilde for mediebruk

Relatert innhold

  • Teater ute og Slåttekaren i strøymeversjon

    Førstkomande laurdag er første gongen Det Norske Teatret spelar teater for publikum sidan Oslo blei stengt i november, med vandreframsyninga GÅ. Samstundes utvidar teateret tilbodet med direktestrøyming av teater med enno ei framsyning. Heile landet kan no få med seg Slåttekar i himmelen heime i eiga stove.

Fyll ut e-postadressen din for å følge Det Norske Teatret

Når du velger å følge et nyhetsrom og opprette en brukerkonto vil dine personopplysninger bli benyttet av oss og av nyhetsrommets eier for å sende deg nyheter og oppdateringer i henhold til dine varslingsinnstillinger.

For mer informasjon, les vår Personvernspolicy, som gjelder for vår bruk av dine personopplysninger, og vår Personvernspolicy for Contacts, som gjelder for nyhetsrommets eiers bruk av dine personopplysninger.

Vær oppmerksom på at våre Brukervilkår gjelder for all bruk av våre tjenester.

Du kan trekke tilbake ditt samtykke når som helst ved å melde deg ut eller slette din konto.
Sjekk innboksen din

E-post sendt til __email__. Klikk på lenken i e-posten for å følge Det Norske Teatret.

Ok