Gå videre til innhold
Førdefestivalen sitt største prosjekt nokon sinne, Nordic Sound Folk Orchestra, var ein av dei store suksessane for festivalen i 2017, og vart vist på NRK TV våren 2018.  Foto:  Knut Utler.
Førdefestivalen sitt største prosjekt nokon sinne, Nordic Sound Folk Orchestra, var ein av dei store suksessane for festivalen i 2017, og vart vist på NRK TV våren 2018. Foto: Knut Utler.

Nyhet -

Førdefestivalen si årsmelding for 2017

Førdefestivalen si årsmelding for 2017

Under den 28. Førdefestivalen stod den nordiske musikken i fokus. Klangen av Norden var temaet, med undertittel - og lyden av verda! Med opningskonserten Nordic Sound Folk Orchestra gjennomførte festivalen sitt største kunstnariske prosjekt nokon gong: 40 av Nordens leiande folkemusikarar, komponistar og solistar framførte nyskriven musikk - og gav publikum ei oppleving dei seint vil gløyme. Folkemusikk i stort format løfta nærmast taket på idrettshallen!

Historisk TV-satsing
Opningskonserten og gallakonserten på festivalen vart laga som fullverdige TV-produksjonar med 10 kamera i sving. Alt saman i festivalen sin eigen regi, men med god og avgjerande støtte frå Sparebanken Vest og Sogn og Fjordane Fylkeskommune. Gallakonserten vart strøyma internasjonalt, og begge konsertane vart viste i Hovudscenen på NRK i løpet av hausten 2017 og våren 2018.

Suksess med nye produksjonar

Festivalen hadde også suksess med dei andre nye produksjonane: Sigrid Moldestad vidareførte TAUS-prosjektet frå 10 år tilbake med konserten Samuline - frå fela flyg din song; Arvesølvet, der fire lokale musikarar framførte musikk frå det store folkemusikkarkivet i fylket i nye arrangement - midt i festivalutstillinga til Maja Birkeland: Det vi har i lag. Sunniva no, som bygde på sagnet om St. Sunniva, og var eit samarbeid med Den kulturelle skulesekken i fylket - og ikkje minst jubileumskonserten for Sigmund Eikås, ein av gründerane bak festivalen, På hogg og belegg.

Nøkkeltal

Under festivalen var det festivalkonsertar i heile 8 kommunar i fylket.

Programtilbodet på sjølve festivalen talde 93 arrangement, det same som året før.

Tal selde billettar: 12150

Totalt publikumsbesøk, inkludert gratisarrangement: 25500

Publikum på arrangement gjennom året: 3540

Samla besøkstal heile året: 29040

Rekneskap

Festivalen hadde totale driftsinntekter på knappe 19 millionar, og gjekk med eit overskot på 120.807,- i 2017. 

Related links

Emner

Kategorier

Pressekontakt

Torill G. Faleide

Torill G. Faleide

Pressekontakt Kommunikasjonssjef +47 90 73 85 27

Verda kjem til Førde!

Førdefestivalen er Skandinavias største festival for akustisk verdsmusikk. Om lag 250 artistar frå heile verda vert presentert frå 30 scener gjennom rundt 80 ulike festivalarrangement for om lag 26000 besøkande kvart år. European Festival Association heidra i 2019 Førdefestivalen med EFFE-AWARD 2019-2021, som ein av dei fem beste festivalane i Europa uansett sjanger. Førdefestivalen vart første gong arrangert i 1990, og vert alltid arrangert frå onsdag til søndag i veke 27.

Førdefestivalen
Førdehuset Angedalsvegen 5
6800 Førde
Norge