Gå videre til innhold
Hilde Bjørkum og Trine Skei Grande. Sistnemnde heldt opningstalen på den 29. Førdefestivalen på opningskonserten torsdag 5. juli.
Hilde Bjørkum og Trine Skei Grande. Sistnemnde heldt opningstalen på den 29. Førdefestivalen på opningskonserten torsdag 5. juli.

Nyhet -

God start på den 29. Førdefestivalen

-Vi har fått ein fantastisk start på den 29. Førdefestivalen, strålar avtroppande direktør, Hilde Bjørkum. Dansen i musikken - musikken i dansen er temaet på festivalen, og etter to dagar med festival, kan direktøren slå fast: -Folk er klare for å danse!

Etter ein pangstart med tropisk temperatur på familie-konserten på Halbrendsstølen og cubansk salsakveld med eit sydande dansegolv på kvelden, følgde torsdag på med rundt 2000 folk på opningskonserten som kretsa om temaet Musikken i dansen - dansen i musikken! Kulturminister Trine Skei Grande stod for den offisielle opninga av festivalen, og opningskonserten vart strøyma direkte internasjonalt, og nådde ut til endå fleire enn dei to tusen som sat i salen.

God tilstrøyming

Konsertane på dei små scenene byrjar å bli utselde, og tilstrøyminga til dei store konsertane er jamn. Dansekursa har vore svært populære, og fleire av dei fullteikna. -Vi har sjølvsagt framleis ledig plass til fleire på dei fleste av konsertane på programmet, så det er berre å komme seg til Førde, og nyte ei fantastisk helg med topp folkemusikk frå heile verda, og som du ikkje kan oppleve andre stadar i Norge enn her i Førde, seier Hilde Bjørkum. I år trer ho av, etter å ha invitert meir enn eir enn 7000 musikarar frå over 140 land til Førde dei 29 åra festivalen har eksistert.

Emner

Tags

Pressekontakt

Torill G. Faleide

Torill G. Faleide

Pressekontakt Kommunikasjonssjef +47 90 73 85 27