Pressemelding -
Rekordtidleg sesongopning i Myrkdalen
Myrkdalen Fjellandsby gjer seg klar for ein av dei tidlegaste sesongopningane nokosinne.
-Komande laurdag, 18. november, opnar me delar av skisenteret, og me er veldig glade for å kunna invitera gjestene våre på ski allereie no, seir John Ivar Norheim, dagleg leiar i Myrkdalen Fjellheisar.
Fire heisar opnar
-Myrkdalen er kjent for å vera snøsikker og no siktar me på at skiheisane går heilt fram til mai, fortel Norheim vidare. Så langt i år har det kome lite natursnø, både i Myrkdalen og på Vestlandet elles, men så fort det blei kaldt nok heiv me oss rundt og starta snøkanonene.
Trass relativt milde vêrforhold har fjellandsbyen klart å produsera nok kunstsnø til å opna følgjande heisar og løyper:
- Myrkdalsekspressen og løype 1
- Badnabakken
- Mikkeltrekket
- Mikkelinetrekket
Begrensa kapasitet
Med desse løypene er det rigga for skimoro for både store og små, men Norheim avsluttar med eit ynskje til gjestane:
-Ver merksam på at det er begrensa kapasitet og lite snø utanfor løypene. Tenk på eiga og andre sin sikkerheit ved å køyra etter forholda og halda avstand til snøkanoner, slangar og leidningar.
Ut november er det ope laurdagar og søndagar frå kl. 09.30 – 15.30, men frå 1. desember går heisane kvar dag.
Related links
Emner
Om konsernet Norway’s best Group AS
Konsernet Norway’s best Group AS (NBG) er eigd av SIVA Eiendom Holding AS, Aurland Eige AS, Sogn Sparebank og Schage Eiendom AS.
NBG eig Norway’s best, Myrkdalen Fjellandsby, 50 % av selskapet som driv Flåmsbana og 50 % av The Fjords. All marknadsføring, sal, drift og tilrettelegging skjer gjennom det heileigde dotterselskapet Norway’s best AS, som også driv 4 hotell, 14 serveringsstader og kundesenter. Selskapet sine produkt og opplevingar hadde i 2019, før Covid-pandemien, meir enn 1,2 millionar gjester.
NBG er også ein stor eigedomsaktør.
