​Landets janitsjarkorps møtest til dyst

For 30. gong er det NM janitsjar i Trondheim. Arrangementet med nær 5500 deltakarar frå 113 korps deltar i åtte ulike divisjonar.

Norgesmeisterskapen går av stabelen i Olavshallen, lille og store sal, Royal Garden Hotel og Scandic Nidelven Hotel fredag 5. og laurdag 6. april.

Er du ikkje i Trondheim desse dagane, kan du sjå dei to øvste divisjonane streama på Livestream.com/nmf, med innslag frå dei andre divisjonane. I NM-studio får programleiar Stein Skorpholm følgje med ekspertkommentator Tormod Flaten i 1. divisjon fredag. Laurdag har han med seg Ole Edvard Antonsen som ekspert i elitedivisjonen. Det blir også streama frå Olavshallen Lille sal i 4. og 5. divisjon.

Utstillarane er på plass og i år er alle samla på gateplanet i hovudetasjen. Alle har med seg spennande nytt og er vel verdt eit besøk.

Olavshallen og lokala rundt er ein viktig møteplass for musikarar med felles musikk-interesse. Det blir feststemning når Luftforsvarets Musikkorps med dirigent Per-Otto Johansson inntar scena under festkonsert og premieseremoni laurdagskveld. Dette blir overført frå Olavshallen til Olavshallens lille sal og Royal Garden Hotel.

I appen program.no finn du program, spelerekkefølge og resultat.

Følg #NMjanitsjar og @nmfkorps på sosiale medier denne helga, både på Facebook, Twitter, Instagram og Snap.