Nyhet -
Kjersti Dalseide og Hans Rønningen er blitt fast tilsette
I dag beslutta teatersjef Erik Ulfsby å gi fast tilsetjing ved teatret til skodespelarane Kjersti Dalseide og Hans Rønningen.
Kjersti Dalseide (30) gjekk ut frå skodespelarlina ved Kunsthøgskolen i Oslo i 2015, og debuterte ved Det Norske Teatret i fjor som berusa tenåringsjente i Fulle folk, tett følgt av hovudrolla som Tonje Glimmerdal i Maria Parrs stykke med same namn. Ho er for tida aktuell som Julie i Romeo & Julie og Tikva i Songfuglen. Til våren vil ho ha ei stor rolle i den store musikkteatersatsinga.
Hans Rønningen (63) har vore knytt til Oslo Nye Teater sidan 1990, og har både stått på scenene sjølv og jobba med dokketeater på Trikkestallen. I tillegg har han komponert musikk til fleire stykke. Sidan 2014 har Rønningen vore knytt til Det Norske Teatret, og har mellom anna spelt tittelrolla i Woyzeck og Egil Skallagrimmson. Aller best blir han kanskje hugsa for rolla som "M" i suksessen Bikubesong frå 2003, som gjekk i fleire år, og blei tatt opp igjen i samband med Det Norske Teatrets hundreårsjubileum i 2013. For tida er Rønningen aktuell som heksa i Kvitebjørn Kong Valemon, og blir også å sjå i musikkteatersatsinga til våren.