Pressemelding -
Eili Harboe debuterer med ungdomsroman
Eili Harboe debuterer med "Tre meter med kniv" – ein ungdomsroman om å vere kjærast, dotter og syster. Boka vert lansert 29.4.
Lykke vil bli halden rundt av Simeon i symjehallen. Ho ønskjer å bli sett av ei sjuk mor. Ho prøver å vere grei med fostersystera Lena. Men Simeon, som kan vere så snill, kan også vere slem. Og mor, som kan vere så morosam, kan også vere langt borte. Og kva er det med Lena, som av og til er heilt, heilt stille?
«Tre meter med kniv» handlar om å vere forelska, om å vere ei dotter, ei syster, men heile tida vere på vakt, heile tida kjempe mot tårene, heile tida lengte, heile tida oppleve at kjenslene svir.
Eili Harboe (f. 1994) er frå Stavanger. Ho har bachelorgrad i engelsk litteratur frå UiS og bachelorgrad i kunsthistorie frå UiO. Harboe fekk det store gjennombrotet som skodespelar med hovudrolla i filmen Thelma (2017). Tre meter med kniv er hennar første bok.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
