Pressemelding -
Gunnar Myklebust med ny bok; "Ishavet. Pelsdyrfangst og vågemot"
Ishavet har hatt ei uimotståeleg dragning på nordmenn
i fleire hundreår. Ei kald og mektig øydemark som med overveldande prakt og
nådelaus natur har lokka generasjonar av eventyrarar og fangstfolk. Villige til
å utfordre det ukjente for eit utkome. Eller berre for å oppleve det. I spinkle
farkostar eller primitive vinterhytter sette norske fangstmenn livet på spel
for draumen om det store varpet. Ishavssoga er full av dramatiske historier om
dei som ville og våga, om nyfiken utferdstrong og ufatteleg vågemot. Om dei som
lykkast og kom heim, nokre som berre kom heim – og mange som vart igjen der
ute. Boka
har ei liste over alle skutene som drog til ishavet, og er rikt illustrert.
Gunnar Myklebust (f. 1950) er journalist og forfattar. Han har vore utanriksmedarbeidar i NRK, og var i perioden 1993–1997 NRKs korrespondent i USA.
Han har tidlegare skrive boka
Tungtvannssabotøren om Joachim Rønneberg.
Kontaktinformasjon til Gunnar Myklebust: 906 78 551 - gunnarmykle@gmail.com
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
