He-he! Ei bok om den livsviktige latteren

Barn ler 300–400 gonger for dagen. Vaksne berre 10–15 gonger. Mange dyr ler også! Kvifor ler barn så mykje meir enn vaksne?

- Barn bruker latteren til å skape kontakt og relasjoner seg imellom. Gjennom latteren får dei venner, skaper tryggleik og kjem seg unna kinkige situasjoner, seier Erna Osland. Ho har verkeleg latt seg fascinere av latteren i denne boka.  

For kan latter gi oss venner? Blir vi snille av å le? Eller friske? Og er det mogleg å le seg i hel? Dette er nokre av dei mange spørsmåla du finn svar på i boka He-he. Det handlar om kor skummel latteren kan vere, men mest av alt kor godt og viktig det er å kunne le.

Boka er illustrert av Per Ragnar Møkleby.