Pressemelding -
Kaisa Aglen ute med ny diktsamling; "Mellom krig"
Tekstane i Kaisa Aglens andre diktutgiving kretsar kring krig, språk og avstand. Vi rører oss i landskap som stadig trekkjer seg unna blikket som ser, og der vi stadig må skifte perspektiv. Noko har skjedd, kjem til å skje, burde ikkje skje, men skjer likevel. Kven har ansvar? Korleis leve med skuldkjensle og maktesløyse, korleis vere heime i verda i møte med det vonde? Aglen lèt ulike geografi ar og språksfærar smelte saman i ein tekst prega av sterkt poetisk gehør, eit presist blikk og gjennomført rytmesans.
Soldatane står att på stranda. Vi
gløymde å sende dei ut. Bølgene slår. Vatn mot bein.
Dei er våre og valden som fell frå auga. Lik
skarpe skjel i sanden. Ei historie av mineral.
Kaisa Aglen ((f. 1985) debuterte med Kvar i kroppen sit ingenting i 2012. Mellom krig er den andre boka hennar.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
