Pressemelding -
Ny Jakob og Neikob-bok frå Kari Stai
Jakob og Neikob er bestevenner og bur i lag i eit høgt hus. Jakob bur i første etasje, og Neikob bur i andre. Men på loftet er det heilt tomt.
- Vi treng ein sambuar, seier Neikob.
Radarparet Jakob og Neikob er tilbake, i Jakob og Neikob og det tomme rommet. Denne gongen skal dei fylle det tomme
loftet sitt med ein sambuar. Men det som byrjar som eit felles prosjekt for to
venner, ender i uvennskap. For første gong er bestevennene blitt verstevenner.
Den tredje boka om Jakob og Neikob handlar om dei store tinga i livet: vennskap, forsoning og ikkje minst jul.
For dei to andre bøkene i serien har Kari Stai mellom anna fått Kulturdepartementets debutantpris, Brageprisen og
Kritikarprisen. Bøkene er selde til fleire land, mellom anna India, Danmark og
Frankrike. Dei to første bøkene i serien finns også som appar.
Kari
Stai (f. 1974) kjem frå Inderøy i Nord-Trøndelag. Ho er illustratør,
forfattar og biletkunstnar.
Emner
Kategorier
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.
