Pressemelding -
Nytt verk om Kjartan Fløgstad sitt forfattarskap
I Fløgstad verk nyttar litteraturforskaren Heming Gujord eit uvant, men overtydande grep når han leverer den mest omfattande analysen og kritiske gjennomgangen av dei hittil 51 bøkene i Kjartan Fløgstads mangfaldige forfattarskap.
Gujords informative nærlesing viser fram dei lange linjene, men løfter også fram brota og litteraturpolitiske inkonsekvensar i Fløgstads teori og praksis.
Framstillinga stør seg på moderne litteraturteori, men er i liten grad tyngd av unødig analysesjargong. Gujord kommenterer stort og smått av det som er skrive om denne markante og samansette forfattarskapen, og i tillegg har han frå fleire møte og samtalar med Fløgstad fletta inn forfattarens eigne synspunkt og kommentarar.
Boka har lanseringsdato 12.11.18
Heming H. Gujord (f. 1968) er førsteamanuensis i nordisk fagdidaktikk ved Universitetet i Bergen. Han er dr.art. i nordisk litteratur med avhandlinga Juviking og medmenneske. En kontekstuell tilnærming til Olav Duuns Juvikfolke (2005) og var redaktør for Norsk litterær årbok 2011–2016.
Emner
Det Norske Samlaget er eit kultur- og kunnskapsforlag som gir ut litteratur på nynorsk. Vi gir ut omlag 100 titlar kvart år av norsk og omsett skjønnlitteratur, barne- og ungdomsbøker, dokumentar- og faktalitteratur, ordbøker og læremiddel for høgare utdanning.