Nina foran Attvins miljøstasjon på Bingsa
Nina ser fram til å ta fatt på oppgåvene og bidra til å utvikle både selskapet og nye samarbeidsmoglegheiter.

Pressemelding —

Nina Reinseth skal bidra til å utvikle framtidas Attvin

Attvin styrkjer satsinga på forretningsutvikling og sirkulær økonomi med tilsetjinga av Nina Reinseth. Ho går inn i ei nyoppretta stilling som forretningsutviklar og får ei sentral rolle i vidareutviklinga av selskapet og arbeidet med å etablere Bingsa som eit knutepunkt for sirkulær næringsutvikling.
Attvin står framfor ei spennande utvikling der nye krav, endra rammevilkår og auka merksemd rundt ressursutnytting gir både utfordringar og moglegheiter. Med den nye stillinga ønskjer selskapet å styrkje arbeidet med å identifisere og utvikle nye forretningsmoglegheiter, tenester og samarbeid.
– Vi er svært glade for å få Nina med på laget. Med kompetansen hennar innan marknad og produktutvikling, kombinert med gode relasjonsbyggjande eigenskapar, er vi sikre på at ho blir eit verdifullt tilskot til selskapet, seier dagleg leiar i Attvin, Øystein Solevåg.

Skal bidra til å utvikle Sirkulære Bingsa

Ei av dei sentrale oppgåvene til Nina blir å arbeide med Sirkulære Bingsa, eit prosjekt under Skaperkraft-satsinga. Ambisjonen er å vidareutvikle Bingsa-området til eit knutepunkt for sirkulær næringsutvikling, der ressursar, kompetanse og aktørar kan koplast saman for å skape nye verdiar.
Prosjektet skal leggje til rette for samarbeid mellom næringsliv og andre relevante aktørar, og utforske moglegheitene for nye verdikjeder, betre ressursutnytting og framtidsretta næringsaktivitet.
– Vi ser eit stort potensial i å utvikle Bingsa-området vidare. Skal vi lykkast med den sirkulære omstillinga, må vi tenkje nytt om korleis ressursane blir utnytta, og korleis vi kan skape verdiar gjennom samarbeid. Her vil Nina få ei viktig rolle, seier Solevåg.

Gler seg til å bidra

Nina ser fram til å ta fatt på oppgåvene og bidra til å utvikle både selskapet og nye samarbeidsmoglegheiter.

– Eg er veldig glad for å få bli ein del av Attvin, eit selskap som tek eit viktig samfunnsansvar og ser moglegheitene i ressursane vi har rundt oss. Å få bidra til å utvikle nye samarbeid og sirkulære løysingar som skaper verdi for både næringslivet og samfunnet, opplever eg som både meiningsfullt og motiverande. Eg gler meg til å vere med på å utvikle framtidas Attvin, saman med dyktige kollegaer og samarbeidspartnarar.

Nina starta i den nye rolla i september.

Emner

Kategorier

Regions

Attvin er eit offentleg eigd renovasjonsselskap som arbeider for ei meir sirkulær framtid. Vi leverer renovasjonstenester til over 110 000 innbyggjarar i Ålesundregionen og sørgjer for trygg, effektiv og forsvarleg avfallshandtering.

Gjennom dotterselskapet Attvin Næring tilbyr vi òg avfalls- og gjenvinningstenester til kommunar og næringsliv, med vekt på effektive, digitale og kundevennlege løysingar.

Med ansvarleg ressursforvaltning, auka materialgjenvinning og utvikling av sirkulære løysingar bidreg vi til å redusere miljøbelastninga og skape verdiar for regionen.

Les meir på attvin.no, eller kontakt oss på post@attvin.no.

Kontakter

Relatert media

Last ned bilde for mediebruk
Fyll ut e-postadressen din for å følge ATTVIN

Når du velger å følge et nyhetsrom og opprette en brukerkonto vil dine personopplysninger bli benyttet av oss og av nyhetsrommets eier for å sende deg nyheter og oppdateringer i henhold til dine varslingsinnstillinger.

For mer informasjon, les vår Personvernspolicy, som gjelder for vår bruk av dine personopplysninger, og vår Personvernspolicy for Contacts, som gjelder for nyhetsrommets eiers bruk av dine personopplysninger.

Vær oppmerksom på at våre Brukervilkår gjelder for all bruk av våre tjenester.

Du kan trekke tilbake ditt samtykke når som helst ved å melde deg ut eller slette din konto.
Sjekk innboksen din

E-post sendt til __email__. Klikk på lenken i e-posten for å følge ATTVIN.

Ok