Ruth Lillegraven er debuterande dramatikar, og hadde ikkje høyrt om den tidlegare teatersjefen ved Det Norske Teatret, Cally Monrad, før ho blei engasjert for dette prosjektet.
Ruth Lillegraven er debuterande dramatikar, og hadde ikkje høyrt om den tidlegare teatersjefen ved Det Norske Teatret, Cally Monrad, før ho blei engasjert for dette prosjektet.

Blogginnlegg -

Dramatikar Ruth Lillegraven: - Eg hadde ikkje høyrt om Cally Monrad

Cally Monrad hadde eg ikkje høyrt om før for eitt år eller to sidan. Eg blei straks fascinert av denne talentfulle, viljesterke kvinna som var heilt grenselaus i sine ambisjonar.

Ho dreiv med det meste, romansesong, operasong, lyrikk, prosa, teater og film. Ho lykkast i mykje og feila alvorleg på andre område, særleg då ho melde seg inn i NS. Ho har ei heilt spesiell tilknyting til Det Norske Teatret, sidan ho vart teatersjef her på huset under krigen, innsett av Quisling-regjeringa.

Kva fekk henne til å trø så feil? Kva dreiv henne? Og kven var ho eigentleg? Jo meir eg forskar på denne kvinna, dess meir fascinerer ho meg.

Eg er ein historieforteljar. Eg er meir opptatt av den gode historia enn eg er av sjanger og form. Eg har eit veldig skrivesug i meg, og er nok lykkelegast når eg fysisk skriv og helst kjem inn i teksten og fiksjonen. Reint språkleg er eg veldig opptatt av rytmen og klangen og drivet i teksten – anten det no er poesi, prosa eller dramatikk eg jobbar med.

Eg har ofte ei eller annan form for idé eller plan, men det har ein tendens til å endre seg masse undervegs. Vegen blir til medan eg skriv, eg ser ting klarare og klarare etterkvart. Eg skriv gjerne fort i utgangspunktet men brukar masse tid på å file og flikke og endre og slette i mange rundar, kanskje særleg med dikta, men elles også. Eg elskar alle fasar av arbeidet, men eg blir frykteleg nervøs når noko skal møte eit publikum. Det er den mest krevjande fasen for meg.

Å komme i kontakt med teateret har vore eit eventyr. Det er som ei ny og magisk verd har opna seg for meg. Det er kjekt å jobbe i team med dramaturg, regissør og skodespelarar, eg lærer enormt mykje undervegs. Heldigvis er ein ikkje åleine. Og læringskurva er bratt. Eg er fascinert av den store fridomen som ligg i dramatikken. Alt er mogleg! Det blir spennande å sjå kva som skjer med teksten når han snart skal få liv på scenen.

Les meir om framsyninga Cally her.

FORTALT TIL Ingrid Weme Nilsen. FOTO Siren Høyland Sæther

Emner

Kontakter

Ida Michaelsen

Ida Michaelsen

Pressekontakt Informasjonssjef 414 45 345
Åsne Dahl Torp

Åsne Dahl Torp

Pressekontakt Informasjonskonsulent 986 23 573

Relatert innhold

Ingeborg Sundrehagen Raustøl skal gi liv til Det Norske Teatrets teatersjef i krigsåra, Cally Monrad. Foto: Pernille Sandberg.

Det Norske Teatrets ukjende NS-teatersjef

Kven var Cally Monrad, kvinna som tok jobben som teatersjef ved Det Norske Teatret under krigen? I sin dramatikardebut diktar Ruth Lillegraven seg inn i tankane hennar. Historia om Cally Monrad svinger seg frå dei store høgder som superkjendis, til eit historisk fall der skammen kasta skuggar over den siste delen av livet. I dag er ho nesten gløymt.

Refleksjon, oppleving og underhaldning

Det Norske Teatret har sidan starten i 1913 vakse fram som ein av dei viktigaste og mest særeigne teaterorganisasjonar i Norden. Vi har som mål å vere eit teater for refleksjon, oppleving og underhaldning. Med nynorsk som scenespråk og ei medviten haldning til samfunnet rundt oss, skapar vi nye uttrykk og når eit stort publikum. Det Norske Teatret ligg sentralt i hovudstaden i eit moderne teaterbygg frå 1985 med 3 faste scenar i sentrum i tillegg til ein scene på Rommen Kulturhus i Groruddalen. Teateret har over 220.000 publikummarar årleg.

Det Norske Teatret
Kristian IVs gate 8
0164 Oslo
Norge
Det Norske Teatrets hjemmeside
Program på Det Norske Teatret