Nyhet -
Hiphop-kids inntek Hovudscenen
Neste helg blir Hovudscenen til byens kulaste disco når Urban Art Attack med hiphop-dansande kids og sløye beats tek over teateret.
BIKUBEBARN – URBAN ART ATTACK FOR KIDS
LAURDAG 12. NOVEMBER
KL. 12.30-15.00
HOVUDSCENEN, DET NORSKE TEATRET
Dette er del av den nye satsinga Det Norske Teatret har mot barn, der vi inviterer inn til verkstader der barn og unge sjølve er med på å lære og skape. Tidlegare i haust var det rytmeverkstad og beatboxing som stod på timeplanen, neste laurdag er det hiphop og breaking.
Verkstaden startar med eit kurs i breakdance, deretter vil det bli oppvisingar av ulike hiphop-crews som har meldt seg på og fri dans der alle kan vere med. Arrangementet er ope for alle mellom 6 og 14 år, både dei som har dansa sidan dei blei fødde, og dei som berre vil ha det gøy. Familie og venner er inviterte til å vere publikum. Kurshaldarane er mangeårig noregsmeister i breaking, Dark Marc, Sofia Knudsen Estifanos (kjend frå barne-TV) og Camilla Tellefsen. Bak turntablesa står Beatur. Dei lovar heftige rytmar, lysshow, all style battle og rein danseglede.
