Pressemelding -
Brutal forteljing frå barneøya
Med referansar til Fluenes herre, Peter Pan og Robinson Crusoe, har regissør Mine Nilay Yalcin, dramatikar Toril Solvang og ensemblet jobba fram ei forteljing for ungdom om kva som hender når barn får vere barn, utan innblanding frå vaksne.
LEVE REPUBLIKKEN
URPREMIERE LAURDAG 20. NOVEMBER KL. 18.00
ROMMEN SCENE - DET NORSKE TEATRET I GRORUDDALEN
Eit fly styrtar på ei aude øy, og berre fem unge menneske overlever. Kva skjer? Jo, dei lagar system og reglar, slik alle samfunn til alle tider har gjort. Og så må jo nokon bestemme.
Medan barna ventar på å bli redda, leikar dei, og leiken blir til alvor. Dei må skaffe mat og vatn. Dei må stelle sår. Dei må hjelpe kvarandre med å hugse historia si. Dei byrjar å organisere seg for å overleve. Dei lagar reglar og grunnlegg ein republikk. Ein republikk for barn. Her er det meste lov, unntatt det å bli vaksen. Å vekse opp blir ei synd dei sver på å aldri begå. Men dei er barn og ungdomar - å vekse er jo naturens gang.
Dei landa på øya som uskuldige barn. Men dei som overlever, har for lengst mista uskulda.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
