Pressemelding -
Fargespill med Miss Tati
I Fargespill møtest heile verda på ein scene. I år har dei fått med seg rap/R&B-artisten Miss Tati.
LUFTA ER FOR ALLE
FARGESPILL-OSLO
ONSDAG 25. OG TORSDAG 26. SEPTEMBER KL. 18.00
HOVUDSCENEN
På scenen i lag med Miss Tati vil det stå 50 barn og unge i alderen 7-21 år. Alle er frå Oslo, men med bakgrunn frå heile verda. Alle i Fargespill-Oslo har ulik historie og bakgrunn, men når dei står på scenen saman med profesjonelle musikarar blir dei «ein».
Musikk, dans, rytmar og andre kunstuttrykk smeltar saman til eit forrykande sceneshow av fargar og inntrykk. Tanken er å vise at vi alle er medmenneske med verdifulle ressursar, og med eit håp om å skape nye vennskap på tvers av bydelar og kulturell bakgrunn. I tillegg har barna ført inn ein viktig bodskap om å ta vare på kloden vår - for lufta, den er for alle.
Les meir om framsyninga på Det Norske Teatrets sider.
MISS TATI
I årets framsyning tek Fargespill-Oslo med seg den eineståande Miss Tati. I eit spennande møte med Fargespill-gjengen utforskar Tati sine angolanske, portugisiske og norske røter i ei eksplosiv framføring av rap, song og dans.
Emner
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
