Pressemelding -
Hans Antonsen er ny direktør ved Det Norske Teatret
Det Norske Teatret har i dag tilsett Hans Antonsen som ny direktør.
Antonsen kjem frå stillinga som administrerande direktør ved Kilden Teater og Konserthus i Kristiansand. Han er styreleiar i Norsk teater- og orkesterforening, og tidlegare politikar for Venstre. Han har i sitt politiske liv mellom anna vore ordførar i Grimstad og statssekretær i Bondevik-regjeringa.
- Eg har komme fram til at teater er noko av det verkeleg viktige i eit moderne samfunn. Det Norske Teatret er eit teater eg lenge har sett opp til, og det har dessutan eit opphav og ein visjon som eg fullt ut identifiserer meg med, seier den påtroppande direktøren. Antonsen kjem opphaveleg frå Møre og Romsdal, og har nynorsk som sitt språk. Han vil tiltre stillinga til våren.
Styreleiar Nina Refseth er svært nøgd med tilsetjinga: - Vi er visse på at vi i Hans Antonsen får ein dyktig, engasjert og strategisk klok direktør, og ser fram til samarbeidet, seier ho.Antonsen tek over etter Åse Ryvarden, som i september gjekk til Aschehoug Forlag.
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
