Gå videre til innhold
"Eit måleri over livet", har Jon Fosse sjølv kalt stykket, som no for første gong blir sett opp på Hovudscenen. Foto: Siren Høyland Sæther.
"Eit måleri over livet", har Jon Fosse sjølv kalt stykket, som no for første gong blir sett opp på Hovudscenen. Foto: Siren Høyland Sæther.

Pressemelding -

Jon Fosse i storformat

For første gong på Det Norske Teatret blir eit stykke av vår tids mest anerkjende dramatikar sett opp på Hovudscenen. Det skjer når Trine Wiggen regisserer Fosses storslåtte drama Draum om hausten.

DRAUM OM HAUSTEN
AV JON FOSSE
PREMIERE 15. OKTOBER KL. 18.00
HOVUDSCENEN, DET NORSKE TEATRET

Dette er ifølgje Jon Fosse sjølv eitt av hans beste stykke. Morgenbladets jury kanoniserte Draum om hausten i 2013, og meinte det var eit nøkkelstykke i forfattarskapen hans. I sitt enkle, men poetiske språk behandlar dramatikaren familiære tema som forholdet mellom foreldre og barn, utruskap og lengt etter kjærleik. 

Regissør Trine Wiggen let skodespelarane og teksten stå sentralt i eit assosiativt og ope rom, skapt av scenograf Milja Salovaara. Ho har reint fysisk dratt naturen inn på scenen - naturen og driftene i mennesket er det som gjer livet verd å leve, men også det som kompliserer tilveret for Fosses karakterar.

Ein mann og ei kvinne møtest tilsynelatande tilfeldig på ein gravplass. Det er haust. Dei kjenner til kvarandre frå før, og har alltid kjent ei tiltrekking. Åra glir av garde, nesten umerkeleg. Han forlet kone og barn og startar eit nytt liv med den nye kvinna. Han mistar kontakten med foreldra og sonen sin. Kanskje fordi han ville. Kanskje fordi det berre blei slik. Livet går sin gang. Familien prøver å finne tilbake til kvarandre, utan å lykkast. Mellom linene i Fosses symboltunge drama ligg det useielege, tause anklagar og brotne forventningar.


MED: Gard Skagestad, Iren Reppen, Sara Khorami, Audun Sandem, Nina Woxholtt, Janny Hoff Brekke/Hildegun Riise og Bernhard Ramstad.


Related links

Emner


Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 200.000 publikummarar årleg.

Kontakter

  • Jon Fosse
    Jon Fosse
    Lisens:
    Bruk i media
    Filformat:
    .jpg
    Størrelse:
    3541 x 5304, 6.16 MB
    Last ned
  • Gard Skagestad
    Gard Skagestad
    Lisens:
    All Rights Reserved
    Filformat:
    .jpg
    Størrelse:
    4016 x 6016, 7.69 MB
  • Draum om hausten uttrykk 1
    Draum om hausten uttrykk 1
    Lisens:
    All Rights Reserved
    Filformat:
    .jpg
    Størrelse:
    8196 x 6558, 38.1 MB
  • Trine Wiggen
    Trine Wiggen
    Lisens:
    All Rights Reserved
    Filformat:
    .jpg
    Størrelse:
    4016 x 6016, 6.38 MB
  • Draum om hausten uttrykk 2
    Draum om hausten uttrykk 2
    Lisens:
    All Rights Reserved
    Filformat:
    .jpg
    Størrelse:
    3444 x 2602, 6.46 MB
  • Draum om hausten
    Spill av video
    Draum om hausten
    Lisens:
    All Rights Reserved
    Filformat:
    .mov
    Lengde:
    1:16

Relatert innhold

  • Jon Fosse meiner sjølv at Draum om hausten er eitt av sine beste stykke. Foto: Siren Høyland Sæter.

    På Hovudscenen – og i frysevogna

    ​- 45 000 såg Draum om hausten i Paris, så stykket bør vera interessant sjølv for bokmålsbrukarar, seier Jon Fosse.

  • Foto: Fredrik Arff

    Ei motgift mot døden

    I "Draum om hausten" behandlar Jon Fosse familiære tema som forholdet mellom foreldre og barn, utruskap og lengt etter kjærleik. Dette er tema psykolog og samlivsterapeut Sissel Gran har lang erfaring med. Her er hennar refleksjonar etter å ha lese stykket.

  • Trine Wiggen er oppteken av dei store spørsmåla i Fosses drama. Foto: Siren Høyland Sæter.

    Eit draumescenario

    ​Med oppsetjinga av "Draum om hausten" tar skodespelar og regissør Trine Wiggen publikum med inn i Jon Fosses ubegripelege og fengande verd.

  • Gard Skagestad spelar hovudrolla i Draum om hausten av Jon Fosse. Foto: Siren Høyland Sæter

    – Inga klassisk midtlivskrise

    Gard Skagestad spelar mannen i Fosses "Draum om hausten". Han bryt opp frå familien og finn saman med henne han smugkikka på i ungdomen.