Pressemelding -
Olje og vatn - naudsynte for menneskets eksistens
Naturens velsigning og forbanning.
OLJE OG VATN
Premiere 2. september kl. 19.30
Scene 2
Olje og vatn er viktige komponentar i alle moderne menneske sine liv. Der det eine er forbunde med liv og sunnheit, som ein føresetnad og eit vilkår, blir det andre fort knytt til forureining, profitt, grådigheit og naturkatastrofar. Olje og vatn kan ikkje blandast, dei vil skilje seg. Menneskets jag etter livsgrunnlag og utvikling er avhengig av tilgang til begge naturressursane. Kva skjer når vi menneske begynner å tukle med naturen?
Menneska er kasta ut av paradiset. No kjempar dei for å skape eit nytt. På oljefeltet Paradise Hill er arbeidet i gang. Blir det lys?
Oljebasseng på scenen
Regissør Mina Salehpour har arbeidd fram stykket Olje og vatn saman med skodespelarane. På Scene 2 vil verder oppstå og forsvinne, får så å gjenoppstå, og publikum blir tatt med på ei stor reise. Eit visuelt slåande scenebilde av Andrea Wagner beståande av eit basseng av svart granulat fyller heile speleplassen og er lyssett av Kyrre Heldal Karlsen. Her vil skodespelarane bade, dykke og grave seg ned, i kostyme av Maria Anderski, til episk musikk og lydlandskap signert komponisten Sandro Tajouri. Tekstane er inspirerte av bibelske tekstar og evangelium, i tillegg til Upton Sinclairs roman OIL! frå 1927. På scenen står Marianne Krogh, Andreas Koschinski Kvisgaard, Gina Bernhoft Gørvell, Thea Lambrechts Vaulen og Pål Christian Eggen.
Related links
Emner
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.