Pressemelding -
Premierer denne veka: Lund og Lorca på Scene 3 og Min venn, romvesenet på Rommen Scene
MIN VENN, ROMVESENET
PREMIERE 16. OKTOBER KL. 15.00
ROMMEN SCENE
Min venn, romvesenet er ein leiken familiemusikal med eit alvorleg tema. Kjersti Horn har skrive manus og har regien på ei av dei mange satsingane på barn og unge på Rommen Scene i haust. Emilie Christiensen og gruppa No. 4 står for musikken. Vi møter seks år gamle Ellie (Catharina Vu) som bur i ei utriveleg leiligheit med mor, to brør og ein ganske uhyggeleg stefar. Ho er opptatt av verdsrommet og ein dag oppdagar ho at nokon der ute er like aleine som ho sjølv.
Scenograf og kostymedesign er ved Katja Ebbel Fredriksen, lyddesign ved Erik Hedin og på scenen står også Kaia Varjord, Preben Hodneland, Judy Nyambura Karanja, Frode Winther, Manish Sharma, Sigrid Husgjord og Christian Eidem.
Framsyningsfoto ved Erika Hebbert.
LUND OG LORCA
PREMIERE 12. OKTOBER KL. 18.00
SCENE 3 (KAFESCENEN)
Trini Lund takkar av etter ei lang og innhaldsrik karriere ved Det Norske Teatret. Med seg på scenen har ho poesien til den spanske diktaren Frederico Garcia Lorca, ein forfattar som har følgd Trini Lund gjennom heile livet. Tom S. Lund har tonesett dikta som er omarbeidd og sett saman av Trini Lund. Det blir ein musikalsk poesiaften med to som tidleg kjente seg i opposisjon til den katolske kyrkja.
Related links
Emner
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
