Pressemelding -
Teaterrevolusjonen på Scene 3 opnar med virtuell kjærleik
Teaterrabulisten Tani Dibasey og scenekunstduoen Only Slime tek mål av seg å revolusjonere norsk teater. Deira "take-over" på Scene 3 er eit signalprosjekt for den ferske teatersjefen, Kjersti Horn. Første framsyning ut er ei kjærleikshistorie frå det digitale universet.
UNLIMITED VOID
av Tani Dibasey og Only Slime
NYPREMIERE TORSDAG 23. JANUAR KL. 20.00
SCENE 3
Tani Dibasey brasa inn i norsk offentlegheit som ei heilt ny og særeiga stemme med framsyninga Sorte gutter gråter ikke i 2023. No skal han og den tverrkunstnarlege, visuelle og musikalske duoen Only Slime ta over Scene 3 i heile 2025.
Les meir om Tani Dibasey og Only Slime.
Frå andre sida av jordkloden til Scene 3 - les meir om Claudia Cox frå Only Slime.
Programmet på Scene 3 vil bestå av nyskapande teaterframsyningar, festar, klubbhappeningar og alt derimellom. Gjengen har eit uttalt mål om å reformere teateret og å nå eit nytt og ungt publikum ved å vaske ut grensene mellom fiksjon og verkelegheit, tilskodarar og deltakarar, realisme og simulasjon.
Cyberkjærleik
I UNLIMITED VOID er det nettopp forholdet mellom det som er verkeleg og det som er kunstig som blir undersøkt. Tobi forelskar seg i Omaru-chan, ei 3D-animert anime-jente på skjerm, og må konfrontere seg sjølv. Er det ekte følelsar?
Framsyninga tek form som ei spektakulær 3D-møter- “verkelegheita”-framsyning, inspirert av mellom anna dataspel, anime, internettkultur og film. Det handlar om eit tema som er stadig meir aktuelt, nemleg virtuell kjærleik og digital identitet. For kva er eigentleg ekte i ein digital tidsalder?
25. januar: UNLIMITED VOID extended mode - STACK EDITION
25. januar vil framsyninga STACK bli spelt som eit bonus-spor til UNLIMITED VOID. STACK er ein fusjon av live cinema, multimediateater, sterk lyd, live-genererte bilde og utmattande fysikalitet. Dei er inspirerte av sci-fi horror, posthumant tankegods og økologiske tema, og har eit kritisk blikk på bio-kapitalisme.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
