Vil den nye språklova redde nynorsken?

Det Norske Teatret tar turen til Arendalsveka for første gong. Her vil vi kaste lys over den nye språklova som tredde i kraft frå 2022. Vi inviterer til ei samling som tar opp korleis språklovas krav om at nynorsken skal «fremjast og styrkast» blir levd opp til i praktisk politikk. Men før vi fyrer opp samtalen om den nye språklova, får du oppleva ei urpremiere. Mimmi Tamba kjem! Og ho syng den kjende monsterhiten “Let it go” frå Frost, som har premiere på Det Norske Teatret 14. oktober. I Arendal blir songen for første gong framført på nynorsk!

Arendalsveka: "Vil den nye språklova redde nynorsken?"
Torsdag 17. august kl 08.00
Samfunnsteltet, Arendal
Arrangør: Det Norske Teatret

Den nye språklova har til formål å fremme likestilling mellom bokmål og nynorsk. Språkpolitikken og etterlevinga av språklova er eit felles ansvar. Skal språklova verke etter føremålet, må alle samfunnssektorar prioritere språkarbeidet. Lovas formålsparagraf har ei bestemming om at offentlege organ har “eit særleg ansvar for å fremje nynorsk som det minst bruka norske skriftspråket.”

Frå førearbeidet til språklova (KUDs framlegg) blir det slått fast at Det Norske Teatret «spelar ei vesentleg rolle for å fremje nynorsk og gje språket ei sentral rolle i samfunnet».
Det Norske Teatret har skapt drama i meir enn 100 år. No kjem teateret og andre nynorskvenner til Arendalsveka med eit varsko om oppfølginga av den nye språklova. Skal det bety noko som helst at lova seier at nynorsken skal prioriterast?

SAMTALEPANEL:
- Direktør i Språkrådet, Åse Wetås, innleier om status kring norsk språk og språklovas føremål. Astrid Versto leier samtalen etterpå med følgjande paneldeltakarar:
- Erik Ulfsby, teatersjef ved Det Norske Teatret
- Peder Lofnes Hauge, leiar i Noregs Mållag
- Monika Haanes Waagan, dagleg leiar i Nynorsk Bedriftsforum
- Svein Olav Langåker, dagleg leiar i Landssamanslutinga av nynorskkommunar.

DUELL:
Etter samtalen blir det duell mellom stortingsrepresentantane Alfred Bjørlo frå Venstre og Torstein Tvedt Solberg frå Arbeidarpartiet (kulturpolitisk talsperson).