Høgskolen i Molde tildelt 62 nye sjukepleieplassar

Rektor er svært nøgd med utteljinga. «Det blir ein stor jobb, men den skal me greie».

Behovet for fleire sjukepleiarar er stort. Difor aukar regjeringa kapasiteten med 500 studieplassar frå hausten 2022. 300 av plassane finansierte med friske midlar fordelt og det er Universitetet i Agder og Høgskulen i Molde som får flest nye studieplassar.

"Behovet for sjukepleiarar er stort, kanskje særleg i distrikta. Det å ha nok fagfolk i helse- og omsorgstenestene der folk bur, er eit viktig mål for regjeringa. Pandemien har gjort det endå tydelegare at vi treng fleire sjukepleiarar og spesialsjukepleiarar", seier forskings- og høgare utdanningsminister Ola Borten Moe i ei pressemelding.

"Det er mange gode kandidatar som søker seg til sjukepleiar- og spesialsjukepleiarutdanningane, men som ikkje kjem inn fordi det manglar studieplassar. Det er særleg behov for fleire spesialsjukepleiarar. Derfor skal institusjonane prioritere vidareutdanning for jordmødrer, helsesjukepleiarar, og anestesi-, barn-, intensiv-, operasjon- og kreftsjukepleiarar", seier Borten Moe.

Nøgd rektor

Rektor Steinar Kristoffersen er glad og stolt for den ekstra tildelinga. Samstundes seier han at det ikkje berre er å ta opp så mange studentar ein vil.

«Me er stolt over å få moglegheita til å ta opp fleire studentar i opptaket vårt. Men dette gjer seg ikkje av seg sjølv, det blir ein stor jobb. Me må legge til rette slik at praksisplassane blir av god kvalitet. me har eit godt samarbeid med kommunar og helseføretaket og trur me skal greie det.»

Fleire studentar til Molde og Kristiansund

Tildelinga vil slå positivt ut for studenttalet i byane, meiner rektor.

Desse ekstra studieplassane sørger for at Molde og Kristiansund kan bli studiestaden for mange fleire studentar. Me håper at dette vil kunne sørge for å dekke behovet i ein sektor med stor mangel på kandidatar. Det ser me fram til.»

Fordeling av dei nye studieplassane på ulike studiestadar/geografi

Institusjon	Nye studieplassar	Geografi
Lovisenberg diakonale høgskole	10	Oslo
Høgskulen på Vestlandet	14	Blir fordelte mellom Haugesund, Bergen og Førde
Universitetet i Agder	59	Kristiansand og Grimstad
Universitetet i Stavanger	20	Stavanger
Noregs teknisk-naturvitskapelege universitet	4	Gjøvik
Høgskolen i Østfold	43	Plassane til grunnutdanninga er tenkt brukt til desentralisert utdanning i Indre Østfold, plassane til spesialsjukepleiarutdanninga er i Fredrikstad
Høgskolen i Innlandet	4	Ikkje avklart
Høgskolen i Molde – vitskapeleg høgskole i logistikk	52	Kristiansund og Molde
Nord universitet	25	Desentralisert utdanning - plassane blir fordelte på fem regionar ut frå søkargrunnlag/etterspørsel i dei ulike regionane. Spesialsjukepleiarutdanninga er i Bodø.
VID vitskaplege høgskole	32	Plassane til grunnutdanninga er i Sandnessjøen, plassane til kreftsjukepleiarutdanninga er i Oslo eller Bergen.
Universitetet i Søraust-Noreg	37	Campus Vestfold
SUM	300

Oversikt over ekstra studieplassar som universiteta og høgskulane skal prioritere innanfor eige budsjett

Institusjon	Fordeling innanfor eiga ramme
OsloMet	30
Høgskulen på Vestlandet	30
Universitetet i Agder	20
Universitetet i Stavanger	20
UiT – Noregs arktiske universitet	15
Noregs teknisk-naturvitskapelege universitet	25
Høgskolen i Østfold	10
Høgskolen i Innlandet	10
Høgskolen i Molde – vitskapleg høgskole i logistikk	10
Nord universitet	10
Universitetet i Søraust-Noreg	20
SUM	200

Emner

Kategorier

sykepleierstudenter

Høgskolen i Molde - Vitenskapelig høgskole i logistikk (HiMolde) har 220 ansatte og ca 3000 studenter. Høgskolen har bachelor- og masterstudier innen helse- og sosialfag, logistikk, Sport Management, IT, økonomi, og juss og samfunnsvitenskap fordelt på våre to campus i Molde og Kristiansund. I tillegg tilbys doktorgradsutdanning innen logistikk og helse- og sosialfag.