Pressemelding -
Nytt oppdrag for Hurtigruten
Hurtigruten sitt ekspedisjonsskip MS Fram skal skifte ut ei stor mengde vindu, og Green Yard Kleven har fått oppdraget. Skipet er venta til verftet i desember 2020.
-Vi er glade for at Hurtigruten har gitt oss dette oppdraget. Slike oppdrag er viktige for å halde aktivitet og kompetanse ved verftet i ei krevjande tid, seier Kjetil Bollestad, administrerande direktør ved Green Yard Kleven.
Fleire oppgraderingar
Hurtigruten har nytta koronapausen til vedlikehald og oppgradering av fleire skip.
-Dette blir det andre oppdraget for Hurtigruten i haust. Vi har gjort ei ombygging på MS Vesterålen, som går frå kai same dag som MS Fram kjem til verftet i Ulsteinvik. Vi takkar for tilliten og det fortsatt gode samarbeidet med Hurtigruten, seier Bollestad.
I tillegg har både MS Roald Amundsen og MS Fridtjof Nansen fått utført arbeid på Kleven i 2020.
Spesialbygd for ekspedisjonar
Ekspedisjonsskipet MS Fram er spesialbygd for ekspedisjonar både i polare og andre eksotiske strøk. Skipet blei bygd i 2007, og har plass til om lag 200 gjestar om bord. Oppgraderinga som skal skje ved Green Yard Kleven er siste del av oppgradering skipet har fått i 2020.
Oppdraget passar godt inn i Green Yard Kleven sin strategi om å tilby eit breitt spekter av tenester innan ombygging, reparasjon, nybygg og resirkulering av alle typer fartøy ved skipsverftet i Ulsteinvik.
Emner
- Industri, produksjon
Kategorier
- hurtigruten
- ms fram
- ettermarknad
- green yard kleven
Regions
- Møre og Romsdal
Green Yard Kleven AS i Ulsteinvik er saman med søsterverftet Green Yard Feda på Angholmen ein del av Green Yard Group. Green Yard Kleven byggjer store, avanserte fartøy innan fleire segment, og tek også på seg ombyggingar og reperasjonar. Verftet har stor kapasitet for stålproduksjon, og er det verftet i Noreg som har størst grad av eigen robotisert stålproduksjon. Verftet skal også satse stort framover på å drive miljøvennleg resirkulering og modifisering av skip. Verftet er ISO-sertifisert innan miljø og kvalitet.