Pressemelding -
Overlevering av undersjøisk forskalingskasse til Ulstein Entrepenør
Kleven Verft tek på seg andre byggeprosjekt enn berre skip, og torsdag 7. mars 2019 sjøsette og overleverte vi ein stor stålkonstruksjon, nemleg ei undersjøisk forskalingskasse, som vi har bygd for Ulstein Entreprenør.
To slepebåtar henta forskalingskassa og frakta den til Ulstein Betongindustri i Haddal i Ulstein kommune. Forskalinga skal brukast under vatn som ei ytre forskaling til ei ny tørrdokk i betong, som Ulstein Entrepenør skal bygge. Indre mål er 17mx65m, høgda er 6,2m, og heile forskalinga veg omlag 170 tonn.
Kleven Verft takkar for eit kjekt oppdrag og eit godt samarbeid, og ynskjer Ulstein Entreprenør lykke til vidare med prosjektet sitt.
Foto: Hallgeir Lillebø / Kleven Verft
For meir informasjon, kontakt: Lillian Haddal, kommunikasjonsrådgjevar – mobil 908 37 798
Emner
- Industri, produksjon
Regions
- Møre og Romsdal
Kleven har levert over 100 avanserte fartøy for norske og internasjonale kundar sidan 2005. Etter ei utfordrande periode i kjølvatnet av nedgangen i offshore-sektoren, er verftet no eigd av Hurtigruten, og har for tida to hurtigruteskip under bygging. Det ligg også føre intensjonsavtale om bygging av eit tredje hurtigruteskip.