Pressemelding -
Multiconsult blir totalrådgjevar for nytt skulebygg på Tysnes
Rett før jul skreiv Leigland Bygg totalentreprisekontrakt med Tysnes kommune på riving og bygging av eit bygg for mellomtrinn ved Tysnes skule. Multiconsult er valt som totalrådgjevar i prosjektet.
Prosjektet på Tysnes skule i Vestland fylke går ut på å riva eksisterande bygg for mellomtrinn og gymnastikksal, byggja nytt mellomtrinn på ca. 2100 m2 og byggja om ca. 250 m2 i eksisterande bygg. Prosjektet har miljømål om å oppnå energikarakter A, og det skal byggjast eit flott utomhusområde. Heile totalentreprisekontrakten har ein verdi på om lag 70 millionar kroner eksklusiv meirverdiavgift for Leigland Bygg.
- Prosjektet på Tysnes skule passer godt inn i Multiconsult sin prosjektportefølje. Verksemda vert totalrådgjevar og skal prosjektera alle fagområde frå kontoret på Stord. Fordelen med å samla alle rådgjevarfag i eitt firma er færre grensesnitt og ansvarsforhold. Kommunikasjon og samhandling mellom fagområda blir enklare med alle prosjektmedarbeidarane samla i same lokale, men digital samhandling opnar også for effektivt å kunna nytta ressursar frå andre delar av Multiconsult, seier Steinar Kjerpeseth, seksjonsleiar i Multiconsult på Stord.
Grøn gjennomføring
Alle prosjekteringsmøte vil bli gjennomført på Stord for å ivareta ambisjonen om grøn gjennomføring av prosjektet. Reduksjon av unødvendige reiser er eitt av fleire bidrag til dette.
I prosjektet vil visualisering gjennom Virtual Reality-rommet på Stord bli brukt aktivt til å gjennomføra fagvise modellgjennomgangar og tverrfaglege kollisjonskontrollar. Stord-kontoret bygde VR-rommet i 2018, og har så langt gjort mange gode erfaringar knytt til tidleg å luka ut feil og manglar med bruk av VR i prosjektering.
Emner
Multiconsult er et av Norges ledende miljøer innen prosjektering og rådgivning. Med røtter tilbake til 1908 har selskapet hatt en sterk innvirkning på Norges utvikling og økonomiske vekst. Sammen med samarbeidspartnere og kunder har vi skapt historie og det skal vi fortsette å gjøre i fremtiden også. For oss handler det om erfaring, rett kompetanse, effektiv prosjektstyring og riktig kompetansesammensetning blant våre medarbeidere. Vi oppfordrer både medarbeidere og kunder til å se muligheter der andre ser hindre - og å sprenge grenser der andre fristes til å gå rundt.
Multiconsult tilbyr multifaglig rådgivning, design, prosjektering, prosjektoppfølging, verifikasjon og kontroll. Multiconsult har 30-talls kontorer i Norge og internasjonalt. Hovedkontoret ligger i Oslo, men Multiconsults totale kompetanse er tilgjengelig fra alle våre kontorer. Multiconsults tjenester dekker alle prosjektfaser. Våre oppdragsgivere og samarbeidspartnere finnes over hele landet og i store deler av verden.
