Nyhet -
Ekstremsportveko + Flåm = sant
Måndag 28. juni kjem Ekstremsportveko til Flåm. Det vert herleg stemning om bord på Future of The Fjords, der gjestane får orkesterplass til ekstremsportutøvarar som utfordrar elementa i og over fjorden.
Ekstremsportveko er kjent for si gode stemning, og du kjem til å merka den frå du går om bord i den stillegåande, elektriske båten på føremiddagen til du ser høgdepunkta frå dagen i Dagens Video om kvelden.
Veko-vibe på fjorden
Frå båten vil du sjå fargerike fallskjermar og speedflygarar dala ned mellom dei bratte fjella og tøffe “dødsarar” hoppe i fjorden, alt akkompagnert av musikk frå DJ Boge. Det er sjølvsagt mogleg å kjøpa mat og drikke om bord.
Kanskje freistar det med med eit avkjølande bad i fjorden også? To skyttelbåtar vil vera tilgjengeleg for å frakta publikum frå båten til stranda på Odnes mellom kl. 13.30 og 16.00.
Etter dagen på Nærøyfjorden og Aurlandsfjorden vert det grilling i hagen til Fretheim Hotel og utpå kvelden kan ein sjå Dagens Video frå Ekstremsportveko inne i det nye konferansesenteret.
Dagens program:
- Kl. 11.30: Om bordstigning i Flåm
- Kl. 12.00: Avreise frå Flåm
- Kl. 12.30: “Dødsing” i Aurlandsfjorden
- Kl. 13.30: Ankomst til Odnes i Nærøyfjorden, der båten blir liggjande. Landingsplass for fallskjermhopparar og speedflygarar
- Kl. 13.30 - 16.00: Moglegheit for å gå i land på Odnes
- Kl. 16.30: Avreise frå Odnes
- Kl. 18.00: Ankomst til Flåm og grilling i hagen til Fretheim Hotel
- Kl. 18.00: Innhopp fallskjerm på stranda i Flåm
- Kl. 20.30 - 22.00: Streaming av premieutdeling og Dagens Video på Fretheim Hotel
DJ Boge spelar på båten gjennom dagen og det vert moglegheit for å kjøpe mat og drikke om bord.
