Skip to content
Nikki Cantrill gyda'i chi
Nikki Cantrill gyda'i chi

Press release -

Diwrnod o hwyl a sioe gŵn i gefnogi strôc.

Mae’r hyfforddwr cŵn Nikki Cantrill yn addo diwrnod o hwyl ac adloniant yn Sioe Gwn Powys K9. Trefnwyd y sioe er côf am ei thad a fu farw o strôc.

Bydd y digwyddiad yn cael ei gynnal ar 2 Medi, ar dir y busnes helpodd Tony Cantrill i’w ferch Nikki sefydlu.

Mae Nikki, a gollodd ei nain hefyd i strôc 18 mlynedd yn ôl, eisiau codi arian i helpu dynnu sylw at y ffyrdd o arbed strôc, a chefnogi’r rhai sydd wedi eu heffeithio ganddo.

Meddai Nikki:

“Byddem yn cynnal dosbarthiadau llawn hŵyl, fel y ci efo'r llygaid mwyaf trist, yr un efo'r gynffon mwyaf egnïol a’r un cyflymaf i fwyta selsigen! Bydd yna hefyd gemau i’r plant.

“Rydym eisiau dathlu bywyd fy nhad. Gwnaeth gymaint i gefnogi pawb, ac mae fy musnes wedi bod yn llwyddiant oherwydd ei gefnogaeth.

‘Bydda fo wastad yn y caeau yn chware gyda’r cŵn yn ein sioeau, felly mae hwn yn ffordd dda o’i gofio fo.’

Mae tua 7,400 o bobl yn cael strôc yng Nghymru pob blwyddyn, ac mae dros 66,000 yn byw gydag effeithiau strôc.

Ychwanegodd Nikki:

‘Cafodd fy nhad sawl strôc mini {TIA} o flaen llaw nad oeddem yn gwybod am ar y pryd. Roedd o yn yr ysbyty gyda haint feirws pan gafodd y strôc fawr. Mi gafodd o feddyginiaeth i'w helpu i symud , ond roedd ei allu i siarad a gweld wedi eu heffeithio, ac yna fe gafodd niwmonia.’

Dywedodd Bridget Stadden, Rheolwr Digwyddiadau Cymunedol a Chodi Arian I Gymru:

“Gall strôc ddigwydd i unrhyw un ar unrhyw adeg, ac mae’n troi bywyd ar ben ei waered. Gyda chefnogaeth codwyr arian fel Nikki, gallwn helpu mwy o oroeswyr strôc a’u teuluoedd wrth iddynt ail-adeiladu eu bywydau.

“Bydd yr arian sy’n cael ei godi hefyd yn mynd tuag at godi ymwybyddiaeth o arwyddion strôc ac arianu’r ffyrdd y gellid ei atal rhag ddigwydd.”

Bydd diwrnod hwyl i’r teulu a sioe gŵn Powys K9 yn cychwyn o 12 yp ddydd Sul ,Medi 2 ail yn Llansanffraid, SY22 6SY.

Am ragor o wybodaeth, cysylltwch a’r Gymdeithas Strôc yng Nghymru ar 02920 524400 neu e-bostiwch fundraisingwales@stroke.org.uk

Topics

Regions


  • Trawiad ar yr ymennydd yw strôc sydd yn digwydd pan fydd y cyflenwad gwaed i’r ymennydd yn cael ei atal, unai oherwydd clot neu waedu. Pob blwyddyn, bydd o gwmpas 7,400 o bobl yng Nghymru’n cael strôc ac mae’r Gymdeithas Strôc yn amcangyfrif bod bron i 66,000 o oroeswyr strôc yn byw yng Nghymru.
  • Elusen yw’r Gymdeithas Strôc. Credwn ym mywyd ar ôl strôc a gyda’n gilydd gallwn drechu strôc. Gweithiwn yn uniongyrchol gyda goroeswyr strôc a’u teuluoedd a gofalwyr, gyda gweithwyr gofal iechyd a chymdeithasol a gyda gwyddonwyr ac ymchwilwyr. Ymgyrchwn i wella gofal a chefnogaeth strôc a chefnogwn bobl i wella yn y ffordd orau posib. Mae’r Llinell Gymorth Strôc (0303 303 3100) yn darparu gwybodaeth a chefnogaeth ar strôc. Mae mwy o wybodaeth ar gael ar www.stroke.org.uk
  • Contacts