Toralv Maurstad med personleg teaterframsyning

Korleis har det vore å vekse opp i ein heim med to ruvande teaterpersonlegdomar som foreldrer?

TORDIS + ALFRED = TORALF
av og med Toralv Maurstad
TORSDAG 16. NOVEMBER KL. 19.00
SCENE 3, DET NORSKE TEATRET

Toralv Maurstad er ei levande legende i teateret. Men han blei også fødd inn i ein heim der teateret spelte hovudrolla. I framsyninga Tordis + Alfred = Toralf gir Toralv oss innblikk i korleis det var å vekse opp med dei berømte skodespelarane Tordis og Alfred Maurstad som foreldre. Med ei musikkelskande mor og ein far som var hardigfele-virtuos, stod musikken alltid sentralt på både scenen og i heimen. Det var likevel ikkje sjølvsagt at Toralv skulle finne vegen til teateret, og i framsyninga fortel han også korleis det likevel blei slik.

Tordis og Alfred Maurstad i fotografert i lag på scenen i framsyninga ARVEN av Eystein Solheim, som hadde premiere 2 år etter Toralv blei fødd. Foto: Eystein Solheim.

STJERNEPAR

Tordis blei sagt å ha ei magnetisk utstråling. Ho kom frå ein kulturinteressert heim, der faren var driftsstyrar av både Kaffistova og Bondeheimen i Kristiansund. Han var ein markant karakter i nynorskrørsla, og hadde tilnamnet «målkongen». Så det var heilt naturleg for Tordis å søke seg til Det Norske Teatret, som ho var knytt til i over 50 år.

Alfred voks opp i Nordfjord, og var både spelemann, filmregissør og skodespelar. Her på Det Norske Teatret blei han aller mest kjend for rolla som Torgeir i Fossegrimen, der han framførte den berømte slåtten Fanitullen. Han var også den første som laga film på landsmål. Men den filmrolla han blir aller mest hugsa for, er skurken Gjest Baardsen.

Pianisten Rune Alver står for dei musikalske bidraga i framsyninga.

Les meir om Tordis + Alfred = Toralf på nettsidene våre.