Skip to main content

Billettsalet for Sildagapet opnar 1. mars

Nyhet   •   feb 28, 2017 17:04 CET

Åleundskunstnaren Inger K. Giskeødegård er årets plakatkunstnar.

Onsdag 1. mars kl. 09.00 opnar endeleg billettsalet for Opera Nordfjord sin hovudproduksjon til hausten: Sildagapet - ein opera om havets sølv av librettist Jostein Avdem Fretland og komponist Helge Sunde.

Premieren i Operahuset Nordfjord vert onsdag 4. oktober, med øvrige framsyningar 6., 7., 8., 11., 13., 14. og 15. oktober. Onsdagane 4. og 11. oktober og fredagane 6. og 13. oktober startar framsyninga kl. 18.30, laurdagane 7. og 14. oktober startar vi kl. 17.00 og begge søndagane har vi matinéframsyningar kl. 14.00. Det skulle då vere mogleg å finne ei framsyning på ein dag som passar einkvar, enten du har lang reiseveg heim etter framsyninga, ønskjer operapakke på Nordfjord Hotell, eller vil ha tid til å gå ut for ein betre middag før eller etter framsyninga. Ca. 40 min. før kvar framsyning vert det intro i kinosalen med interessant informasjon om korleis operaen vart til og eit aldri så lite tilbakeblikk på dei eventyrlege sildeåra, det myldrande fokelivet i Måløy og kanskje nokre gode råd om kor sunt det er å ete sild!. 

Sikre deg billettar til den dagen som passar deg best og på dei plassane i salen du ønskjer mest allereie no!

www.operanordfjord.no / www.operahuset.no

Kommentarer (0)

Legg til kommentar

Kommentar