Siste nytt

Utvalgt

Utvalgt

  • Carmen endeleg tilbake i Operahuset Nordfjord

    30. september er det igjen premiere på operaen Carmen av Georges Bizet i Operahuset Nordfjord, 17 år etter den første Carmen-premieren, når 10 solistar, 5 dansarar, 36 koristar, 20 born og 40 musikarar gir liv til ein av operahistoria sine mest og populære operaer.

  • Meisterverk på turné i stort samarbeidsprosjekt

    Meisterverk er tittelen på konsertturnéen Opera Nordfjord legg ut på i slutten av april, med konsertar i Operahuset Nordfjord fredag 24. april, Førdehuset laurdag 25. april og Parken Kulturhus søndag 26. april. Distriktsoperaen på Nordfjordeid har fått med seg Musikklinjekoret på Firda vidaregåande skule og Ålesund Operakor, og saman med eigne korsongarar vil prosjektkoret telle ca. 110 songarar.

  • OperaKysten med lystig kammeropera i Operahuset Nordfjord


    OperaKysten markerer sitt 10årsjubileum med ei gjenoppsetting av kammeroperaen Der Scahuspieldirektor, eller Teaterdirektøren av Wolfgang Amadeus Mozart, og Opera Nordfjord er stolt samarbeidspart, når operakollegaer frå kysten inntek operascena med vakre tonar og muntert skodespel. I Mozart sin lystige komedie Teaterdirektøren får publikum ein liten, latterleg, men absolutt realistisk sma

  • Romjulskonsert i Eid Kyrkje for Leger uten grenser

    Opera Nordfjord inviterer igjen til støttekonsert i Eid Kyrkje i romjula til inntekt for Leger uten grenser. Profesjonelle artistar og unge lokale talent stiller opp med eit variert program med både vokal- og instrumentalinnslag.

  • Matilda i nynorsk språkdrakt til Opera Nordfjord

    28. november er det premiere på MATILDA-musikalen i Operahuset Nordfjord, med fem påfølgjande forstillingar 29.11., 30.11. 05.12, 06.12. og 07.12..Heile 51 sceneaktørar og 11 musikarar skal forvandle operahuset til eit musikalmekka i to veker, med plass til godt og vel 2900 publikummarar!

  • Soga om Sol klar for Vestlandsturné

    – No gler vi oss stort til å få den nye turnéversjonen på vegen for å begeistre nye publikummar i Vestland og feire 200 år med utvandring frå Noreg til Amerika, seier operasjef Kari Standal Pavelich, som håpar at kulturhusa langs kysten vil fyllast opp for å feire både utvandring, innvandring, menneskeverd, likeverd og fridom for alle.

Sosiale medier

Det er garantert første gong vi har ein vaskeekte Flamencodansar på scena i operahuset. Møt Gabriel, som gjestar Vestlandet for aller første gong, rett frå Sevilla: Aragú González kjem frå Spania og vaks opp i ein kunstnarfamilie, der både mora, faren og dei tre søstrene alle er dansarar. Sidan 2010 har han laga ni forestillingar for Flamenco Triana-kompaniet, som er eigd av familien hans. I ein alder av 18 år regisserte han allereie si første forestilling. Som 33- åring hadde han hatt premiere på heile sytten forestillingar. Han har arbeidd ved scener i mellom anna Hellas, England, Canada, Nederland, Kina. Flamencodansen hans er prega av ei konstant utforsking av samtidsdans og fysisk teater. Eit godt døme på dette er kompaniet Mimenko, grunnlagt i 2018 saman med skuespillerinna Deidi Lucas. Saman har dei hatt premiere på forestillingene Deriva (2022) og Mimenko (2018). Gabriel har budd i Sevilla sidan 2012, der han har jobba med Cristina Hoyos Ballet og José Galván Company. Han har òg samarbeidd med Galván som koreograf på forestillinga Bailando a Camarón. I tillegg har han koreografert ni forestillingar for det det chilenske kompaniet Flamenco Triana. Han er vinnar av Madroño-prisen i 2022 i kategorien dans, tildelt av byen Madrid til unge kunstnarar. Hans nyaste verk omfattar Los Ojos de Bernardo (2024) og Deshágase la luz (2022), som mottok ein pris frå Escenarios de Sevilla som Beste danseshow 2022. I 2019 skapte han kortstykket Serendipia, som vann ein pris i Madrid Flamenco-konkurransen.

@Opera Nordfjord

Veldig kjekt å møte nye dansarar, som er på Nordfjordeid for første gong, i vår Carmen-produksjon: Oliver Paulsson er ein profesjonell dansar og koreograf frå Sverige, hovudsakleg verksam i Noreg. Han er utdanna ved Kunsthøgskolen i Oslo med ein bachelor i samtidsdans, men har bakgrunn frå kommersielle stilar og trivst best med å arbeide på tvers av sjangrar. Innanfor det kommersielle feltet har han dansa og koreografert for artistar og merkevarer som BTS, Highasakite, Eurovision Song Contest, P3 Gull, Wallmans og Stjernekamp og har vore representert av det London-baserte castingbyrået Mark Summers Casting. Han er òg aktiv i det norske samtidsdansfeltet og har arbeidd med Nagelhus Schia Productions, Tom Weinberger og Malin Bülow, samt motteke stipend frå mellom anna Festspillene i Nord Norges Ungkunststipend, Anders Sandrews Stiftelse og Statens kunstnerstipend. Han har turnert i Noreg med sitt eige verk CMOS Retina. I dag arbeider han hovudsakleg i det norske musikalfeltet og har medverka i Moulin Rouge, The Bodyguard og Dirty Dancing (2023–2026).

@Opera Nordfjord

Møt Tuva frå danseensemblet vårt💃: Tuva Nyhammer-Taklo (22) vart denne våren ferdig med sin bachelor i musikkteater ved Høyskolen Kristiania, og er glad for å endeleg vere tilbake hos Opera Nordfjord. Ho er oppvaksen på Nordfjordeid og har vore ein del av det lokale kulturmiljøet sidan ho var lita, både gjennom kulturskulen og Opera Nordfjord. Her har ho medverka i fleire produksjonar, mellom anna La Bohème, Annie, Jorda Rundt På 80 Dagar og La Traviata. Ho har også delteke ved andre institusjonar i fylket, som i 2020 då ho gjorde rolla som «Lily St. Regis» i musikalen Annie Jr. hjå Teater Vestland. Dans har vore ein sentral del av utviklinga og utdanninga, og frå 2015 til 2020 var ho gjestedansar ved Ballettskolen ved Den Norske Opera & Ballett. Som nyutdanna musikalartist ser Tuva no fram til sitt første profesjonelle oppdrag, og det kjennest ekstra spesielt at ho får starte karrieren nettopp her – på heimebane i Operahuset Nordfjord.

@Opera Nordfjord

Møt Sara i danseensemblet vårt: Sara Sandvik Arnestad er samtidsdansar og koreograf fødd og oppvaksen på Nordfjordeid. Som 16-åring flytta ho til Oslo for å gå på den landsdekkande danselinja ved Edvard Munch videregående skole. Sidan har ho studert dans ved Kunsthøgskolen i Oslo, der ho arbeidde med koreografar som Paul Blackman, Christine Gouzelis og Roza Mostaghi. Etter fullført studium har Sara mellom anna vore med på å etablere dansekollektivet Ønest saman med tidlegare studiekameratar, og delteke i ensembleprogrammet SUB.LAB.PRO i Budapest, Ungarn. Ho har òg dansa ved ulike festivalar som Oslo Jazzdansfestival, MOVE dansefestival på Hamar, og seinast på Sziget Festival i Budapest. For tida er ho aktuell med soloen «Faux Subject», som mellom anna blei vist på Sziget i august. «Carmen» er Sara sin første produksjon med Opera Nordfjord som profesjonell dansar, og det er ekstra stas for henne å vende tilbake

@Opera Nordfjord

I dag skal de få møte våre flotte dansarar: Thea Bjørhovde Mavropoulou frå Eid er utdanna dansekunstnar ved Norges Dansehøyskole med ein bachelor i moderne- og samtidsdans med pedagogikk, samt ei vidareutdanning og ein master i spesialpedagogikk ved Universitetet i Oslo. Hennar entusiasme for dans byrja i ung alder gjennom fleire av Opera Nordfjord sine tidlegare produksjonar og gjennom Stad kulturskule, der ho no er tilsett som dansepedagog. Thea har tidlegare vore med La Traviata, Jorden Rundt på 80 dager, Soga om Sol og Matilda for Opera Nordfjord.

@Opera Nordfjord

Sidan Opera Nordfjord er så heldig å ha både eit flott solistlag med strålande dyktige operasongarar og besøk av ein av Spanias aller beste Flamencodansarar, har vi slått nokre av desse kunstnariske kreftene saman og innbyr til Operapub med Flamencodans i Gymmen tysdag 6. oktober✨🍸Dørene opnar kl 19, show start kl 20.00. Bli med🌟 Frå solistane i Carmen møter vi Lilly Jørstad, Cleo Lee-McGowan, Cecilia Lund Tomter, Magnus Dorholt Kjeldal og Trond Gudevold, og dei vil by på eit spennande og litt annleis konsertrepertoar denne kvelden. Både spansk operettemusikk, tyske cabaret-songar og kjende operasvisker står på programmet🥰 Ikkje minst får publikum ei heilt spesiell oppleving når Flamenco-dansar Gabriel Aragú Gonzáles i ei eiga avdeling innvier sitt publikum i Flamenco-kunsten. Gabriel er på Nordfjordeid for aller første gong, og sjølv om det er langt frå Flamencomiljøet i Sevilla, der han bur til dagleg, til Nordfjord, skal vi nok kjenne ein vesentleg auke i pulsen og kraftige rykk i dansefoten, når tonar og dansetrinn tek oss med inn i ei ny verd av spansk lidenskap🇪🇸🔥 #operapub #carmen #flamenco #operanordfjord #gymmen

@Opera Nordfjord

Kontakter

Fyll ut e-postadressen din for å følge Opera Nordfjord

Når du velger å følge et nyhetsrom og opprette en brukerkonto vil dine personopplysninger bli benyttet av oss og av nyhetsrommets eier for å sende deg nyheter og oppdateringer i henhold til dine varslingsinnstillinger.

For mer informasjon, les vår Personvernspolicy, som gjelder for vår bruk av dine personopplysninger, og vår Personvernspolicy for Contacts, som gjelder for nyhetsrommets eiers bruk av dine personopplysninger.

Vær oppmerksom på at våre Brukervilkår gjelder for all bruk av våre tjenester.

Du kan trekke tilbake ditt samtykke når som helst ved å melde deg ut eller slette din konto.
Sjekk innboksen din

E-post sendt til __email__. Klikk på lenken i e-posten for å følge Opera Nordfjord.

Ok