Siste nytt

Utvalgt

Utvalgt

  • Meisterverk på turné i stort samarbeidsprosjekt

    Meisterverk er tittelen på konsertturnéen Opera Nordfjord legg ut på i slutten av april, med konsertar i Operahuset Nordfjord fredag 24. april, Førdehuset laurdag 25. april og Parken Kulturhus søndag 26. april. Distriktsoperaen på Nordfjordeid har fått med seg Musikklinjekoret på Firda vidaregåande skule og Ålesund Operakor, og saman med eigne korsongarar vil prosjektkoret telle ca. 110 songarar.

  • OperaKysten med lystig kammeropera i Operahuset Nordfjord


    OperaKysten markerer sitt 10årsjubileum med ei gjenoppsetting av kammeroperaen Der Scahuspieldirektor, eller Teaterdirektøren av Wolfgang Amadeus Mozart, og Opera Nordfjord er stolt samarbeidspart, når operakollegaer frå kysten inntek operascena med vakre tonar og muntert skodespel. I Mozart sin lystige komedie Teaterdirektøren får publikum ein liten, latterleg, men absolutt realistisk sma

  • Romjulskonsert i Eid Kyrkje for Leger uten grenser

    Opera Nordfjord inviterer igjen til støttekonsert i Eid Kyrkje i romjula til inntekt for Leger uten grenser. Profesjonelle artistar og unge lokale talent stiller opp med eit variert program med både vokal- og instrumentalinnslag.

  • Matilda i nynorsk språkdrakt til Opera Nordfjord

    28. november er det premiere på MATILDA-musikalen i Operahuset Nordfjord, med fem påfølgjande forstillingar 29.11., 30.11. 05.12, 06.12. og 07.12..Heile 51 sceneaktørar og 11 musikarar skal forvandle operahuset til eit musikalmekka i to veker, med plass til godt og vel 2900 publikummarar!

  • Soga om Sol klar for Vestlandsturné

    – No gler vi oss stort til å få den nye turnéversjonen på vegen for å begeistre nye publikummar i Vestland og feire 200 år med utvandring frå Noreg til Amerika, seier operasjef Kari Standal Pavelich, som håpar at kulturhusa langs kysten vil fyllast opp for å feire både utvandring, innvandring, menneskeverd, likeverd og fridom for alle.

  • Internasjonale klimastudentar frå Sogndal på operaturné

    Tysdag 2. september startar turnéen for operaen BLÅ med både skuleframsyningar og kveldsframsyningar i store delar av fylket. Det er dei vidaregåande skulane på Eid, i Måløy, Stryn, Florø, Førde, Høyanger, Sogndal og i Gloppen som får besøk av den nyskrivne miljøoperaen av librettist Jesper B. Karlsen og komponist Hugi Gudmundsson, basert på boka BLÅ av Maja Lunde. Opera Nordfjord og det danske

  • Miljøoperaen BLÅ på turné i Sogn og Fjordane


    Ein ny, nordisk kammeropera om klima og kjærleik!

    Det er ikkje kvarsdagskost å lage opera i samarbeid med andre land, eller med klimafakultet og utanlandske master- og PhD-studentar. I 2025 skjer begge deler, når Opera Nordfjord i samarbeid med produksjonsselskapet SAUM i København og Høgskulen på Vestlandet ved masterprogrammet Climate Change Management legg krefter, evner og ressursa

Sosiale medier

Vi er veldig glade for at Aalesund Operakor er med og dannar storkoret vårt på Meisterkonsert-turnéen 24.-26. april til Operahuset Nordfjord, Førdehuset og Parken kulturhus. Her kan de lese meir om både koret og koret sin dirigent, Håkon Rodvelt Anvik: Aalesund Operakor blei stifta i våren 1973 som eit operakor utan eige operahus og debuterte i Den Glade Enke hausten samme år. Sidan den gong har koret delteke i mange operaforestillingar i samarbeid med Den Norske Opera, mellom anna Carmen, Tryllefløyten, Rigoletto, Czardasfyrstinnen, Hoffmanns Eventyr og Flaggermusen. Koret har sidan oppstarten samarbeidd mykje med Ålesund Symfoniorkester, både ved festlege nyttårskonsertar, kirkekonsertar og store klassiske korverk, som rekviem av Verdi, Fauré, Mozart og Brahms i tillegg til Beethovens 9. symfoni. Dessutan har koret oppført La Traviata i Västerås i Sverige og bidrege hos Opera Nordfjord, Fjord Cadenza og Midtsommerfest i Sandefjord. Korets første dirigent var Ernst Glaser, etterfølgt av Arthur Nedregård, Yngve Espedal, Berit Hummelsund og, ikkje minst, Marianne Ravn Stavseng, som i sin 30 år lange karriere i Aalesund Operakor har bidrege til at korets nivå og musikalske treffsikkerheit er der det er i dag. I dag er stafettpinnen gitt vidare til Håkon Rodvelt Anvik . I dag er Aalesund Operakor er eit svært allsidig kor som først og fremst gjer musikkteater, i tillegg til operaer og operetter. Operakoret har gjort symfoniske verk, kyrkjemusikk, filmmusikk og julekonsertar og samarbeidsprosjekt med større aktørar, som Hanne Krogh og de tre tenorer, fleire julekonsertar og Ta meg til havet. Koret har òg delteke i lokalt prosjektkor i regi av NK Sunnmøre (Les Misérables og Phantom of the Opera). I 2017 hadde koret ein storstilt eigenprodusert Operagalla med Henrik Engelsviken, Ole-Jørgen Kristiansen, Ann-Helen Moen og Jeanette E. Goldstein som solistar. Eigne produksjonar omfattar mellom anna Disneys magiske verden og Good And Evil i 2023 med musikk frå The Phantom of the Opera, Jekyll & Hyde og Wicked. Det siste store kyrkeverket operakoret hadde saman med Ålesund Symfoniorkester og Ålesund Kammerkor no nyleg, var Verdis Requiem i november i 2025, til i ei fullsett Ålesund kirke. Kommande konsertar etter Meisterverk omfattar mellom anna Carmina Burana i oktober, eigen julekonsert i Langevåg Kyrkje i desember og vår faste Nyttårskonsert. Til slutt ei lita oppmoding til lesarane frå koret: Har du ei lita musikal-/operastjerne i deg, eller berre elskar å synge generelt – ja, så er du hjarteleg velkomen til å bli med i Aalesund Operakor! Om dirigenten : Håkon Rodvelt Anvik Håkon er utdanna songar og songlærar ved Norges Musikkhøgskole gjennom Bachelorprogrammet Kandidatstudiet og Masterstudiet i musikkpedagogikk.Han har vore solist i mellom anna Mozarts Requiem. I perioden 2018 til 2022 var han engasjert som songlærar ved Sølvguttenes sangskole i Oslo. I dag bur han på Sunnmøre, er lærar i Brattvåg og har altså tatt på seg det ærefulle oppdraget å dirigere og leie Aalesund Operakor.

@Opera Nordfjord

Møt mezzosopran Cecilia Lund Tomter, som er ein av Noregs fremste, unge operasongarar i sitt stemmefag. Vi gler oss stort til å høyre henne både i Amour, viens aider ma faiblesse frå Samson and Dalila av Saint-Saens, Overlevering av rosen fra Rosenkavaleren av R. Strauss og i fantastiske Mahlers 2. symfoni, Oppstandelsessymfonien, på konsertturnéen vår 24.-26. april: Cecilia er ein norsk mezzosopran/alt som er fødd inn i ein familie av musikarar. Etter mange år i foreldra sine fotspor med fiolin og klaver, fann ho vegen inn til sangen og operakunsten. Etter studiar ved Norges musikkhøyskole og operaakademiet i København har ho opplevd stor suksess, mellom anna ved sin debut i den prisvinnande produksjonen av Valkyrien ved Det kongelige teater i København. Der blei ho senare òg ein del av deira Young Artist Program og fekk gjort større parti som 3. dame i Tryllefløyten (ei rolle ho òg nyleg gjorde på Den Norske Opera & Ballet) og Marcellina i Figaros Bryllup. Cecilia har ei stor, mørk og fargerik stemme, som er som skapt for roller i det dramatiske faget. Dette fekk ho prøvd seg på som Fricka i Das Rheingold i Bergen Nasjonale Opera sitt sommarprosjekt Opera By the Fjords i 2024, og seinare samme sommar som ein av kun 4 inviterte songarar til Bayreuth Festspiele sitt masterkurs, dette året leia av den legendariske Waltraud Meier. Her gjorde ho utdrag av Fricka og Brangäne sine parti i Wagner sin heim Villa Wahnfried. Cecilia har òg hatt stor suksess i konkurransar då ho sommaren 2025 både gjekk til finalen i den viktige Belvedere-konkurransen i Sveits (som kun 12 av heile 800 søkjarar), tok 3. prisen i Elizabeth Connell-konkurransen i London, og nyleg då ho vann 1.prisen i Schymberg-konkurransen i Sverige.

@Opera Nordfjord

Det er ei glede å presentere den første av to solistar, Lydia Hoen Tjore, som skal vere med oss på turné på Meisterverk-konsertane våre til OpOperahuset Nordfjordredag 24. april, FøFørdehusetaurdag 25. april og PaParken kulturhusøndag 26. april: Sopranen Lydia Hoen Tjore (1994) er fødd og oppvaksen på Radøy ved Bergen. Ho starta sine studiar ved Det Kongelige Danske Musikkonservatorium allereie som 17-åring. Ved Operaakademiet i København fullførte ho studiane i 2018 som ein av dei yngste nokonsinne. Lydia har vore solistpraktikant ved Den Norske Opera i to sesongar, der ho mellom anna song roller som Adina, Zerlina, Første dame og Micaela. I 2021 var ho finalist i to internasjonale musikkonkurransar, Vinceró World Singing Competition og Dronning Sonjas Internasjonale Musikkonkurranse. I sistnemnde vann ho Ingrid Bjoner-prisen. I 2024 vann ho 3. pris, Publikumsprisen, Kritikerprisen og Ambassadens pris under Renata Tebaldi International Singing Competition i San Marino. Dei siste sesongane har ein mellom anna kunne høyre henne som Grevinna i Figaros Bryllup, Donna Elvira i Don Giovanni og Mimi i La Bohéme. Ho synger jamleg med dei store orkestera i Skandinavia og er, i tillegg til opera, òg ein aktiv solist i oratorieverk, sist med Oslo Domkor og Barokkanerne i Oslo Domkirke. Lydia arbeider som frilans operasongar og reiser rundt og syng konsertar og roller med orkester rundt om i Europa. Denne våren syng hun mellom anna i Valencia, Paris og Madrid, inklusive turné med stjernedirigenten Marc Minkowski.

@Opera Nordfjord

Meisterverk er tittelen på konsertturnéen Opera Nordfjord legg ut på i slutten av april, med konsertar i Operahuset Nordfjord fredag 24. april, Førdehuset laurdag 25. april og Parken Kulturhus søndag 26. april🎭✨Opera Nordfjord har fått med seg Musikklinjekoret på Firda vidaregåande skule og Ålesund Operakor, og saman med eigne korsongarar vil prosjektkoret telle ca. 110 songarar🙃🎼 Solistar er sopran Lydia Hoen Tjore frå Radøy og Cecilia Lund Tomter fra Oslo, og vi får høyre dei både i eigne ariar, i duett frå Rosenkavaleren av Richard Strauss og heilt til slutt i sjølve hovudverket på konserten, som sjeldan blir framført på desse kantar: siste sats fra Mahler sin mektige 2. symfoni, «Oppstandelsessymfonien», der solistar, kor og eit utvida operaorkesteret når nye høgder i ein skjellsettande musikalsk finale. Det er dirigent Michael Pavelich som har sett saman repertoaret for konserten, og han garanterer ei musikalsk oppleving av dei sjeldne. Før den mektige avslutninga får publikum oppleve både den staselige overtüren til Die Meistersinger av Wagner, korkantaten Singet dem Herrn av J. S. Bach, ariar frå Samson and Dalila av Saint-Saëns og Lucrezia Borgia av Donizetti og ei perle av eit korstykke, Tendre Amour, som mildt og stille avsluttar første avdeling, før det brakar laust etter pause. Ikkje gå glipp denne🫶🏻

@Opera Nordfjord

Likar du å synge i kor? Vi treng deg i storkoret vårt for vårkonsertturnéen vår 24-26. april med konsertar fredag 24. april I Operahuset Nordfjord, laurdag 25. april i Førdehuset og søndag 26. april i Parken kulturhus! Vi har med oss Aalesund Operakor, Musikklinjekoret ved Firda vgs og vårt eige kor, men har framleis plass til fleire songarar, særleg menn. Det vil krevast eigenøving i tillegg til våre korøvingar på utvalde søndagskveldar. Hovudverka for koret er siste sats frå Mahlers 2. symfoni, Singet dem Herrn av J.S. Bach. og vakre Tendre amour av Rameau. Operakoret på Eid har første øving førstkommande søndag kl. 18.00. ta kontakt på kari@operanordfjord.no eller mobilnr. 951 37 226. Velkomen til vårens vakraste eventyr🎶❤😀!

@Opera Nordfjord

Dagens anbefaling: Kom til Operahuset Nordfjord og opplev OperaKysten si 10årsjubileumsforestilling Teaterdirektøren (Der Scahuspieldirektor) med solistane Nora Oleanne Sårheim, Renate Ekerhovd og Eivind Kandal og Per Øyvind Halle som Teaterdirektøren, Lina Braaten ved pianoet og Matias Askvik bak lysspakane. Vi gler oss til i kveld - håpar du kjem! Det er ledige billettar, som kan kjøpast på nett eller ved inngangen. Forestillinga startar kl. 19.00. Billettlenke i kommentarfeltet.

@Opera Nordfjord

Kontakter

Fyll ut e-postadressen din for å følge Opera Nordfjord

Når du velger å følge et nyhetsrom og opprette en brukerkonto vil dine personopplysninger bli benyttet av oss og av nyhetsrommets eier for å sende deg nyheter og oppdateringer i henhold til dine varslingsinnstillinger.

For mer informasjon, les vår Personvernspolicy, som gjelder for vår bruk av dine personopplysninger, og vår Personvernspolicy for Contacts, som gjelder for nyhetsrommets eiers bruk av dine personopplysninger.

Vær oppmerksom på at våre Brukervilkår gjelder for all bruk av våre tjenester.

Du kan trekke tilbake ditt samtykke når som helst ved å melde deg ut eller slette din konto.
Sjekk innboksen din

E-post sendt til __email__. Klikk på lenken i e-posten for å følge Opera Nordfjord.

Ok