Pressemelding -
Bjarte Tjøstheim ber om tilgiving
Bjarte Tjøstheim har mykje dårleg samvit. Overfor Gud, overfor kona og overfor andre medmenneske. Men han har skjønt at han ikkje er aleine.
TILGI MEG
av og med Bjarte Tjøstheim
URPREMIERE FREDAG 13. OKTOBER KL. 19.30
SCENE 2
Bjarte Tjøstheim er tyngd av dårleg samvit. Ikkje berre for alt det dumme han har sagt og gjort, men også for det han ikkje har gjort. Som å støvsuge og klippe plenen. Bjarte hatar praktisk arbeid og meiner det er under hans verdigheit å måtte dra rundt på den dumme støvsugaren. Derfor vippsar han kona for å gjere arbeidet for han.
Og så får han dårleg samvit.
Er det for seint å bli eit betre menneske? Eller kan denne botsøvinga vere eit skritt på vegen?
Uansett kor ein søker tilgiving, så må ein ikkje gløyme at det også er lov å tilgi seg sjølv. Les meir.
Personleg botsøving
Tilgi meg er eit nytt sorgmuntert og personleg stykke av og med Bjarte Tjøstheim, der komikaren og prestesonen med vaklande gudstru ber om tilgiving, ikkje berre frå høgare makter, men også frå alle rundt seg. Men vanskelegast av alt blir det kanskje å tilgi seg sjølv.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.