Pressemelding -
David og Jonatan: Eit oppgjer med det kristenkonservative Noreg
Konsekvensane av å ikkje kunne elske den ein vil, kan vere drepande. Det er temaet i gjestespelet David og Jonatan frå Det Norske Fossekompaniet. No kjem framsyninga til Det Norske Teatret.
GJESTESPEL frå Det Norske Fossekompaniet
DAVID OG JONATAN
av Carl Morten Amundsen
ONSDAG 11. DESEMBER KL. 18.00 OG 20.30
PÅ SCENE 3
Knut Andreas Sørum og Andreas Koschinski Kvisgaard er aleine på scenen i denne framsyninga, som tematiserer skam, tabu og undertrykking av homofile i kristne miljø. David og Jonatan er oppkalt etter det 20. kapittelet i Første Samuelsbok i Det Gamle Testamentet, og er ei sår og sterk forteljing om David, som kvar kveld maner fram minnet av den avdøde kjærasten Jonatan. Gjennom samtalene deira får publikum innblikk i parets utfordrande fortid, prega av traumatiske erfaringar med homoterapi og oppvekst i eit svært konservativt kristent miljø.
Med parallellar til Bibelen blir det fortald ei historie som handlar om kjærleik så sterk at den overlever barrierar i samfunn og tru.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
