Pressemelding -
Stel scenen frå Det Norske Teatret
Kva kan hende når improvisatørane frå Det Andre Teatret "stel" scenen frå Romeo og Julie? Alt, kanskje?
UT OG STJÆLE SCENER
DET ANDRE TEATRET PÅ DET NORSKE TEATRET
FREDAG 3. MARS KL. 21.00
SCENE 2
Vanlegvis er det ikkje lov til å tulle i scenografien til ei framsyning. Bortsett frå ein gong i året, og det er for lukka dører under teaterets interne teknikarrevy. Men Det Norske Teatret har gjort eit unntak denne gongen for improvisatørane frå Det Andre Teatret, som skal få boltre seg i scenografien til Romeo og Julie.
Ut å stjæle scener er eit konsept der improvisatørane frå Det Andre Teatret dukkar opp hos eit anna teater og «stel» eit scenerom. Der improviserer dei fram ein ny einaktar basert på scenografien som står i rommet, komplett uvitande om korleis teateret sjølv har brukt inventaret. Denne kvelden blir scenografien til Romeo og Julie åstad for eit nytt relasjonsdrama, ispedd ein god dose humor.
Related links
Emner
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
