Pressemelding -
The Book of Mormon er klar for Noreg
Det er intense dagar på Hovudscenen når Broadway-musikalen er inne i sin siste fase. No byrjar kostyme, scenografi, musikk og koreografi å komme på plass, og det er siste finpuss som står igjen.
THE BOOK OF MORMON
NOREGSPREMIERE LAURDAG 2. SEPTEMBER KL. 18.00
HOVUDSCENEN, DET NORSKE TEATRET
– The Book of Mormon er eit ateistisk kjærleiksbrev til ein religion, har skaparane av musikalen sagt. Intensjonen til Trey Parker og Matt Stone var aldri å gjere narr av mormonarane da dei sette i gong å lage den etter kvart kritikarhylla musikalen. Dei er frå før kjende som mennene bak teikneserien South Park. Til sin musikaldebut har dei fått med seg Robert Lopez, komponisten av musikken til Disney-filmen Frost. Resultatet var så vellykka, at New York Times like godt erklærte The Book of Mormon som den beste musikalen i dette hundreåret.
Magnussen debuterer som regissør
I Noreg er det komikar Vidar Magnussen som skal stå for regien – hans første regioppdrag for scenen. Frank Kjosås og Kristoffer Olsen står i spissen for eit energisk ensemble på 19. Are Kalvø står for gjendiktinga, Gjermund Andreassen for scenografien, Ingrid Nylander for kostyma, Johan Osuldsen for koreografien, medan mannen bak fleire av songane til Ylvis; Lars Bleiklie Devik, er ansvarleg for musikken.
Ta kontakt om du ønskjer pressebillettar eller å komme i kontakt med produksjonen.
Related links
Kategorier
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 220.000 publikummarar årleg.
