Pressemelding -
Tolvskillingsoperaen endeleg klar for publikum
Når vi no opnar den historiske teaterhausten 2021, er det med framsyninga som har venta lengst på at teppet skal gå opp. Halvtanna år etter prøvestart - og etter fleire premieredatoar - er vi no sikre på at Tolvskillingsoperaen endeleg skal få møte sitt publikum.
TOLVSKILLINGSOPERAEN
av Bertolt Brecht og Kurt Weill
PUBLIKUMSPREMIERE LAURDAG 14. AUGUST KL. 18.00
HOVUDSCENEN
PREMIERESAMTALE - Ein merkedag i Det Norske Teatrets historie - kva no?
Teatersjef Erik Ulfsby i samtale med historieforfattar Alfred Fidjestøl.
KL. 17.00
MIDTGOLVET
På scenen står eit knallsterkt ensemble klart, beståande av menneske, robotar og fullt orkester. I denne oppsetjinga utforskar nemleg regissør Tore Vagn Lid det han sjølv karakteriserer som ei filosofisk røvarhistorie frå kapitalismens barneår. Her er alt til sals, og ingenting har nokon verdi dersom det ikkje kan omsetjast i pengar. For kva gjer det med oss menneske når alt er til sals, korleis ser vi da på vår neste? Som ein... ting? Og kva om denne neste faktisk ER ein ting?
LES OGSÅ: I Tore Vagn Lids versjon av Tolvskillingsoperaen står robotar og sexdokker på rollelista saman med teaterets ensemble. Kvifor?
Framtidsvisjon
Blikket er retta mot framtida. På scenen ligg ein havarert buss (for tog) og blant spelarane inngår både smarte apparat og menneskeliknande avatarar. I dette landskapet er det vanskeleg å finne ei fri strandsone og ein må komme seg stadig høgare for å få tilgang til kostbar snø.
PREMIERESAMTALE FØR FRAMSYNINGA
Alfred Fidjestøl er forfattaren avTrass alt, boka som blei gitt ut i samband med hundreårsmarkeringa til Det Norske Teatret. Han trudde han hadde vore gjennom alt som kunne true eksistensen til teateret, men at det skulle bli forbode å gå i teateret på grunn av ein pandemi, kunne han aldri førestille seg. Tittelen på boka blei også overskrifta på strategien teateret har følgd under pandemien. I samtale med teatersjef Erik Ulfsby spør han: Kva for erfaringar tek teatersjefen med seg vidare i gjenreisinga av teateret?
LES MEIR om Tolvskillingsoperaen på Det Norske Teatret sine nettsider.
Emner
Det Norske Teatret er Noregs største teater for refleksjon, oppleving og underhaldning. Teateret ligg sentralt i hovudstaden i eit moderne teaterbygg frå 1985 med 3 faste scenar, og over 250.000 publikummarar årleg.
