Pressemelding —
Mellomalderstein frå Hamar til bygolvet i regjeringskvartalet
Innlandet fylkeskommune har bidrege med ein av dei eldste steinane til kunstverket Sebastiai regjeringskvartalet i Oslo. Tysdag 3. november blir bidraget markert med ei høgtideleg overrekking av ein plakett frå kunstnaren Jumana Manna og KORO, til Anno Domkirkeodden historiesenter.
Sebastia er eit 800 kvadratmeter stort bygolv forma spesielt for Johan Nygaardsvolds plass i det nye regjeringskvartalet i Oslo. Kunstverket er laga av Jumana Manna og består av resirkulert stein samla inn frå heile Noreg.
Steinane er donerte av kommunar, fylkeskommunar og andre aktørar over heile landet. Det er over hundre ulike bidrag, og blant dei er Domkirkeruinene på Hamar. Her ligg mellomaldersteinen frå Hamar side om side med stein frå Nidarosdomen, Slottet og Fredriksten festning.
Steinen frå Hamar stammar frå den romanske byggjefasen i domkyrkja, som blir datert til omkring 1152. Opphavleg var den ein tilhogga kvaderstein i ytterveggene til katedralen, og er seinare delt for å passa inn i bygolvet. Det er ein mjøskalkstein frå Furuberget, der Hamar-bispen hadde steinbrot i mellomalderen. Hamar domkyrkje vart øydelagd i brannen i 1567 og har sidan stått som ruin.
Markerer bidraget frå Innlandet
For å markera bidraget til kunstverket blir ein eigen plakett, laga av kunstnaren og KORO, overrekt til Anno Domkirkeodden. Overrekkinga blir arrangert av Innlandet fylkeskommune.
Se programmet for overrekkinga her: Mellomalderstein frå Hamar til bygolvet i regjeringskvartalet - KORO
Relaterte lenker
Emner
Kategorier
Regions
KORO produserer, forvalter og formidler kunst i offentlige bygg og på andre offentlige arenaer. Samlingen av kunstverk er tilgjengelig for publikum på om lag tusen steder i Norge og internasjonalt.
