Pressemelding -
Atle Møen gir ut diktsamlinga Fjorden andar
Atle Møen gir ut diktsamlinga Fjorden andar
– ei poetisk utforsking av natur, tru og menneskeleg sårbarheit
Den nye diktsamlinga Fjorden andar av Atle Møen er ei stillferdig og sanseleg bok der natur, tru og menneskelege erfaringar vevast tett saman. Gjennom dikt og korte tekstar opnar forfattaren eit rom for ettertanke, der fjorden, lyset og vinden speglar dei indre rørslene i mennesket.
Samlinga krinsar rundt tema som minne, kjærleik, tap og medkjensle, og gir eit nært og ærleg blikk på både det vakre og det smertefulle i kvardagen. Her møter lesaren naturskildringar og stemningar som inviterer til å stoppe opp, lytte og kjenne etter.
– Eg ønskjer å skrive tekstar som gir rom for stillheit og refleksjon, der naturen og mennesket speglar kvarandre, seier Møen.
Dikta i boka er skrivne over fleire år og ber preg av ei modningsreise, både språkleg og tematisk. Resultatet er ei samling som balanserer det nære og det eksistensielle, og som talar til lesarar som søkjer både ro og djupn.
Når han ikkje skriv, arbeider Atle Møen som professor, forskar og sakprosaforfattar.
Fjorden andar er ei bok for alle som ønskjer å utforske samspelet mellom natur og menneske – og finne att noko av det stille, men kraftfulle, i seg sjølv.
For mer informasjon, vennligst kontakt Calidris forlag.
Emner
Vi er et uavhengig forlag som ble grunnlagt i Sverige for vel ti år siden. Calidris drives av en lidenskap for litteratur og vi vil at våre bøker skal nå ut til så mange lesere som mulig. Vi holder til i trivelige lokaler på Høvik i Bærum, like utenfor Oslo.
Vi er stolte over alle talentfulle forfattere som vi har hatt gleden av å gi ut. Vi tror på fortellinger som berører og på de følelsene en historie kan vekke.
