Gå videre til innhold
Frå operaen "Sildagapet, ein opera om havets sølv" hausten 2017
Frå operaen "Sildagapet, ein opera om havets sølv" hausten 2017

Nyhet -

Ønskjer herrestemmer til La Bohème

Likar du å synge i kor? Er du glad i å spele skodespel og å stå på ei scene? Er du i tillegg mann? Då er du ekstra velkomen i operakoret til Opera Nordfjord kommande sesong. Operaen La Bohème markerer 20-årsjubiléet til Opera Nordfjord med premiere onsdag 3. oktober. Den store korscena er Julaftanscena, som opnar 2. akt, og i år vert det ein ekstra stor og fargerik fest når sceneteppet går og tonane til 2. akt set oss i feststemning! Det er tynt i herrerekkene før første korøving, så songglade herrar, både tenorar, barytonar og bassar må gjerne melde seg snarast.  Eit nytt kunstnarisk team frå Sverige er godt i gong med skisser og modell til kostyme og scenografi, og alt lovar godt for ein ny og spennande opera om dei glade bohemane frå Paris.

Emner

Regioner


Opera Nordfjord vart starta i 1998 etter idé frå Kari Standal Pavelich og ektemannen Michael Pavelich, som framleis er sentrale i administrasjon og kunstnarisk leiing. Distriktsoperaen har sidan starten hatt store årlege operaproduksjonar på Nordfjordeid, takka vere omfattande dugnadsinnsats av ca. 200 frivillige. I tillegg til hovudproduksjonen om hausten turnerer Opera Nordfjord med eit nytt konsertprogram kvar vår til konsertstader på nordvestlandet. Samarbeid med andre aktørar står sentralt i operaen sitt virke, Eid vidaregåande skule er fast samarbeidspart i produksjon av kulissar og rekvisittar kvar haust, og Musikklinjekoret ved Firda vidarergåande skule har jamnlege konsertsamarbeid om våren. I tillegg er det eit utstrakt samarbeid med andre distriktsoperaer og Den Norske Opera & Ballett gjennom samproduksjonar eller utleige/lån av delproduksjonar. Familieproduksjonen vart innført i 2013 med balletten Nøtteknekkaren. Sidan har både The Sound of Music og Du er god, du, Charlie Brown fått god mottaking av publikum. Fast spelestad er Operahuset Nordfjord på Nordfjordeid, og administrasjonen har kontorstad i ærverdige Gamlebanken i Eidsgata.

Pressekontakt

Kari Standal Pavelich

Kari Standal Pavelich

Pressekontakt Operasjef/produsent Operasjef og pressekontakt 95137226