This web page requires JavaScript to be enabled.

JavaScript is an object-oriented computer programming language commonly used to create interactive effects within web browsers.

How to enable JavaScript?

Annie er premiereklar fredag 23. november i Operahuset Nordfjord

Nyhet -

Sjarmtrollet Annie til Opera Nordfjord - billettsalet er i gang!

Dei siste vekene har det vore hektisk aktivitet for Opera Nordfjord, med prøvesong til alle rollene i familiemusikalen Annie. Ikkje berre treng ein ein skokk med unge jenter i alle aldrar, musikalen har òg ei lang rolleliste med vaksne karakterar som skal fyllast med dyktige amatørar frå regionen.

Rollelista vert klar i løpet av mai, og då startar pugging av songtekstar og manus. Regissør og musikalsk leiar vert Michael Pavelich, medan ballettpedagog Candice Bredesen skal ha ansvaret for koreografi og innøving av alle dansenummera. Solistane kjem frå heile Nordfjord og Søre Sunnmøre. I tillegg til alle namngjevne roller for born, ungdom og vaksne, treng ein også eit blandakor, og det er framleis plass til fleire menn. Musikalen vert omsett til nynorsk, så for aller første gong kjem Annie frå nynorskland! 

Billettsalet har starta,og det er tre sjansar til å få med seg denne folkekjære musikalen, som er perfekt for heile familien, frå dei aller yngste til oldemor og oldefar. Merk av 23., 24. og 25. november i kalenderen allereie no, då vert det folkefest i Operahuset Nordfjord!

Emner

Regioner


Opera Nordfjord vart starta i 1998 etter idé frå Kari Standal Pavelich og ektemannen Michael Pavelich, som framleis er sentrale i administrasjon og kunstnarisk leiing. Distriktsoperaen har sidan starten hatt store årlege operaproduksjonar på Nordfjordeid, takka vere omfattande dugnadsinnsats av ca. 200 frivillige. I tillegg til hovudproduksjonen om hausten turnerer Opera Nordfjord med eit nytt konsertprogram kvar vår til konsertstader på nordvestlandet. Samarbeid med andre aktørar står sentralt i operaen sitt virke, Eid vidaregåande skule er fast samarbeidspart i produksjon av kulissar og rekvisittar kvar haust, og Musikklinjekoret ved Firda vidarergåande skule har jamnlege konsertsamarbeid om våren. I tillegg er det eit utstrakt samarbeid med andre distriktsoperaer og Den Norske Opera & Ballett gjennom samproduksjonar eller utleige/lån av delproduksjonar. Familieproduksjonen vart innført i 2013 med balletten Nøtteknekkaren. Sidan har både The Sound of Music og Du er god, du, Charlie Brown fått god mottaking av publikum. Fast spelestad er Operahuset Nordfjord på Nordfjordeid, og administrasjonen har kontorstad i ærverdige Gamlebanken i Eidsgata.

Pressekontakt