Pressemelding -
Librettoen klar for sildeoperaen Sildagapet
Jostein Avdem Fretland, kjend for Opera Nordfjord sitt publikum som omsetjar av Søner av Sola i 2014, har no overlevert sitt første utkast til libretto av tingingsverket Sildagapet, som skal ha premiere hausten 2017.
Operaen handlar om dagleglivet under sildefisket på vestlandskysten på midten av 1950-talet. Historia er oppdikta, men er lokalisert til Måløyområdet, med historisk korrekte referansar til stader og hendingar, som mange vil kjenne seg igjen i. Komponist Helge Sunde, opprinneleg frå Stryn, skal setje musikk til handlinga og tek til med det spennande arbeidet i juni. Vi lovar ei stemningsfull og realistisk skildring av fiskaryrket, med sorger, gleder, snurpedans, avlusing, glade sildegutar, høgrøysta notbasar, sjalusi og kjærleik.
Related links
Emner
Kategorier
Regions
Opera Nordfjord vart starta i 1998 etter idé frå Kari Standal Pavelich og ektemannen Michael Pavelich, som framleis er sentrale i administrasjon og kunstnarisk leiing. Distriktsoperaen har sidan starten hatt store årlege operaproduksjonar på Nordfjordeid, takka vere omfattande dugnadsinnsats av ca. 200 frivillige. I tillegg til hovudproduksjonen om hausten turnerer Opera Nordfjord med eit nytt konsertprogram kvar vår til konsertstader på nordvestlandet. Samarbeid med andre aktørar står sentralt i operaen sitt virke, Eid vidaregåande skule er fast samarbeidspart i produksjon av kulissar og rekvisittar kvar haust, og Musikklinjekoret ved Firda vidarergåande skule har jamnlege konsertsamarbeid om våren. I tillegg er det eit utstrakt samarbeid med andre distriktsoperaer og Den Norske Opera & Ballett gjennom samproduksjonar eller utleige/lån av delproduksjonar. Familieproduksjonen vart innført i 2013 med balletten Nøtteknekkaren. Sidan har både The Sound of Music og Du er god, du, Charlie Brown fått god mottaking av publikum. Fast spelestad er Operahuset Nordfjord på Nordfjordeid, og administrasjonen har kontorstad i ærverdige Gamlebanken i Eidsgata.
