– No gler vi oss stort til å få den nye turnéversjonen på vegen for å begeistre nye publikummar i Vestland og feire 200 år med utvandring frå Noreg til Amerika, seier operasjef Kari Standal Pavelich, som håpar at kulturhusa langs kysten vil fyllast opp for å feire både utvandring, innvandring, menneskeverd, likeverd og fridom for alle.
Det vert garantert magisk stemning når 65 korsongarar, 53 musikarar, sopransolist Sabina Zweiacker, konferansier Orvar Säfström og dirigent Michael Pavelich sameinar musikalsk krefter og talent når SAGAS drar ut på turné 11.-14. november med fantasy filmmusikk som hovudtema. Konsertstader er Sandane, Sogndal, Nordfjordeid og Førde.
Det er mange frivillige i arbeid for å lage opera på Nordfjordeid i desse dagar. Sydamene har sydd nye kjolar, sydd inn og ut gamle klede og tilpassa kostyma til det lokale operakoret. Men det viktigast som skjer dei neste dagane, er at scena i operahuset skal forvandlast til ei travel sildefiskehamn med eit yrande folkeliv. Scenografien dannar den viktige fysiske ramma - no er kulissane på veg!
